Սոցիալական ցանցերը կրկին անդրադարձել են ադրրբեջանցուն, ով երկու մարդասպան էր վարձել հարազատ դստերը սպանելու համար։ Հիշեցնենք, որ նախորդ տարվա ապրիլին հարազատ դստեր սպանությունը պատվիրելու մեղադրանքով Սանկտ-Պետերբուրգում  ձերբակալվել էր ներգաղթյալ ադրբեջանցի։ Սպանության դրդապատճառը նա իրավապահներին բացատրել է այսպես. իրեն դուր չէր գալիս, որ դուստրը կարճ շրջազգեստներ է կրում։ Քննիչները կարծում են, որ հայրը չի կարողացել համակերպվել այն բանի հետ, որ դուստրը խախտում է իսլամի օրենքները։ Հայրը խոստովանել է, որ դստերը բազմիցս խնդրել է այլևս բաց հագուստ չկրել, սակայն նա հրաժարվել է՝ պատճառաբանելով, թե իր համալսարանում  (21-ամյա աղջիկը, որի անունը չի հրապարակվում՝ հետաքննության շահերից ելնելով, սովորում էր Պետերբուրգի բժշկական համալսարաններից մեկում) այդպես են հագնվում բոլոր աղջիկները։