Հունվարի 3-ին, ժամը 12։43-ին Տավուշի մարզային փրկարարական վարչության ճգնաժամային կառավարման կենտրոն ահազանգ է ստացվել, որ հրդեհ է բռնկվել Բագրատաշենի անցակետում գտնվող պահեստում։

Դեպքի վայր են մեկնել ՆԳՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից հինգ մարտական հաշվարկ, մեկ ջրատար և Ոստիկանության պարեկային ծառայության կարգախմբեր։

Ըստ նախնական տվյալների՝ պահեստում այրվում է պիրոտեխնիկա։

Բագրատաշենի անցակետի պահեստներից մեկում բռնկված հրդեհի տարածումը կանխվել է։ Այս մասին լրատվամիջոցներին հայտնել են ՊԵԿ լրատվական ծառայությունից։

«Մաքսակետի տարածքում բանվորներից մեկին անհրաժեշտ է եղել բուժօգնություն, որը պատշաճ կերպով կազմակերպվել է: Հրդեհի բռնկման հանգամանքները պարզվում են»,- ասված է հայտարարությանբ մեջ։

ՀՀ ՆԳՆ–ից հայտնում են, որ կա 3 տուժած․ «Բագրատաշենի անցակետի պահեստում բռնկված հրդեհը մեկուսացվել է ժամը 14։24-ին։

Հրդեհի հետևանքով տուժել է 3 անձ, որոնց տեղում փրկարարներն ու ոստիկանները ցույց են տվել առաջին օգնություն։ Նրանք տեղափոխվել են բժշկական կենտրոն»։