Եթե Հայաստանը դուրս գա ՀԱՊԿ-ից, նա կմնա մեն-մենակ իր բոլոր աշխարհաքաղաքական հակառակորդների հետ․ Բոգդան Բեզպալկո (տեսանյութ)

● Հարցազրույց

17.12.2024 ● 11:02

Եթե Հայաստանը դուրս գա ՀԱՊԿ-ից, նա կմնա մեն-մենակ իր բոլոր աշխարհաքաղաքական հակառակորդների հետ․ Բոգդան Բեզպալկո (տեսանյութ)

Ռուս քաղաքագետ Բոգդան Բեզպալկոն Alpha News-ին մեկնաբանել է Նիկոլայ Բորդյուժայի այն հայտարարությունը, թե Հայաստանի անդամակցության կասեցումը Հավաքական անվտանգության պայմանագրի կազմակերպությանը (ՀԱՊԿ) մեծ սխալ է։

Փորձագետի խոսքով՝ բացի ՀԱՊԿ-ից, Հայաստանն այլ հենարան չունի։

«Որքանով ինձ հայտնի է, ՀԱՊԿ-ի կենտրոնակայանը Հայաստանի ղեկավարությունից որևէ ծանուցող փաստաթուղթ չի ստացել, որ ՀԱՊԿ-ից դուրս է գալիս։ Ելնելով իրական քաղաքականությունից՝ Հայաստանի ղեկավարության հայտարարությունները կարելի է համարել ոչ բարեկամական Ռուսաստանի և ՀԱՊԿ-ի նկատմամբ։

Կասեցման նման ընթացակարգ փաստացի չկա, բայց ակնհայտ է, որ Հայաստանը դադարեցրել է մասնակցությունը մի շարք միջոցառումների, որոնք անցկացվում են ՀԱՊԿ-ում։ Եվ, հնարավոր է, որ ապագայում իսկապես լքի կազմակերպությունը, ինչին, ըստ էության, արձագանքել է պարոն Բորդյուժան՝ միանշանակ գնահատելով դա որպես վնաս ինչպես կազմակերպության, այնպես էլ հենց Հայաստանի համար, քանի որ բացի ՀԱՊԿ-ից, Հայաստանը հենվելու բան չունի։

Ռուսաստանը միշտ եղել է իսկապես բարեխիղճ գործընկեր՝ Հայաստանին զենք մատակարարելով ներքին ռուսական գներով»,- ասել է փորձագետը։

Քաղաքագետը նաև նշել է, որ Ռուսաստանի հետ հարաբերությունները փչացնելով ՝ Հայաստանը կպարտվի բոլոր առումներով։

«Տվյալ իրավիճակում ոչ մի հիմք չկա Ռուսաստանին մեղադրել Լեռնային Ղարաբաղի տարածքում հակամարտությանը չմիջամտելու մեջ, քանի որ այդ տարածքը Հայաստանի Հանրապետության ղեկավարության կողմից չի ճանաչվել որպես ինքնուրույն պետություն կամ որպես հայկական տարածք: Ուստի այս իրավիճակում, եթե Հայաստանը դուրս գա ՀԱՊԿ-ից և մնա մենակ, նա ոչ ոքի վրա հույսը չի կարող դնել։

Ոչ Ֆրանսիան, ոչ ԱՄՆ-ը, ոչ ՆԱՏՕ-ն հանդես չեն գա ի պաշտպանություն Հայաստանի այնպիսի ձևաչափով, այնպիսի մասշտաբով, ինչպիսին դրան պատրաստ են Ռուսաստանն ու նրա դաշնակիցները ՀԱՊԿ շրջանակներում։ Ես համոզված եմ, որ Ռուսաստանի հետ հարաբերությունները փչացնելով՝ Հայաստանը կպարտվի նաև մնացած բոլոր առումներով, մասնավորապես՝ առևտրաարդյունաբերական, ինդուստրիալ և այլն։ Եթե Հայաստանը դուրս գա կազմակերպությունից, նա կպարտվի տնտեսապես և կմնա միայնակ՝ դեմ առ դեմ իր բոլոր աշխարհաքաղաքական հակառակորդների հետ»,-եզրափակել է Բեզպալկոն։

● Այս խորագրի վերջին նյութերը

Տրանսպորտային համակարգում ստվերը չի վերացել, թանկացումներն արդարացված չեն. Մանուկ Սուքիասյան (տեսանյութ)

21.12.2024 ● 08:41

«Մայր Հայաստան» խմբակցության ղեկավար Մանուկ Սուքիասյանը վստահեցնում է, որ շարունակելու են տրանսպորտային թանկացումների դեմ պայքարը։

«25-26 թթ․ հավանական են մեծ պատերազմները. շատ վտանգավոր է լինելու Հայաստանի համար». Ստեփան Դանիելյան (տեսանյութ)

21.12.2024 ● 08:18

«Երկրի հյուրասրահում» քաղաքագետ, «Մայր Հայաստան» շարժման նախաձեռնող խմբի անդամ Ստեփան Դանիելյանն է։

Մսավաճառների տավարի միսն ո՞ւր տարան․ Սոնա Աղեկյան (տեսանյութ)

19.12.2024 ● 14:20

Սոնա Աղեկյանն անդրադարձել է մի շարք խնդիրների։

Երևանն իրեն անբարենպաստ վիճակում է դնում՝ հրաժարվելով բանակցային գործընթացում Ռուսաստանի գործընկերությունից. Վիտալի Միլոնով (տեսանյութ)

19.12.2024 ● 10:00

Մենք գիտենք, թե ինչպես են սովորաբար տեղի ունենում միջազգային պայմանավորվածությունները, երբ դրանք ձեռք ես բերում թուրքերի հետ։ Այնտեղ դու երբեք շահած չես լինի։

Ռուսական ալիքների փակումը կհանգեցնի Հայաստանի ուկրաինացմանը. Օլեգ Մատվեյչև (տեսանյութ)

18.12.2024 ● 09:41

Հայաստանի իշխանությունները շարունակում են խաղադրույք կատարել սնանկացած արևմտյան էլիտայի վրա։

«Փրայմերիզ» կոչվածը վատ դերասանություն էր․ Կարեն Սիմոնյան (տեսանյութ)

17.12.2024 ● 19:14

Բորիս Մուրազին Գյումրիում առկա խնդիրների վերաբերյալ զրուցել է գյումրեցի, «Մենք» նախաձեռնության հիմնադիր Կարեն Սիմոնյանի հետ։

Գյումրիում տեղի է ունեցել զարգացման ծրագրի քննարկում (լուսանկար)

Քաղաքապետարանը պարտվեց, «Մայր Հայաստանի» հայցը բավարարվեց․ Yerkir Media-ի ռեպորտաժը

Կապիկություն են կոչում՝ ժողովրդի լեզվով. Անդրանիկ Թևանյանը՝ Գյումրին զավթելու իշխանության ջանքերի մասին (տեսանյութ)

● Հարցազրույց