Ռուբեն Թորոսյանի առաջարկը ԵԱՀԿ երևանյան գրասենյակի ղեկավարի պաշտոնակատարին

● Լրահոս

02.12.2011 ● 16:10

Ռուբեն Թորոսյանի առաջարկը ԵԱՀԿ երևանյան գրասենյակի ղեկավարի պաշտոնակատարին

ԵԱՀԿ երևանյան գրասենյակի ղեկավարի պաշտոնակատար

Պարոն Կարել Հոֆստրանին

Առաջարկություն

Հարգելի պարոն Հոֆստրան,

այսօր, այն նույն ժամանակ, երբ Դուք զբաղված էիք կին-թեկնածուների մասնակցության խթանմամբ, իշխող կուսակցության փոխնախագահն հակասահմանադրական կոչեր էր անում, մեկ անգամ ևս, հասկացնելով, թե իրենք ինչպես են հասկանում առաջիկա ընտրությունների «ազատն ու արդարը»:

Քանի որ Ձեր գլխավորած գրասենյակը բացարձակապես չի անդրադառնում ընտրություններին առնչվող հայաստանյան ներկա գործընթացներին, առնվազն, հետաքրքիր է իմանալ՝ իրո՞ք, ըստ ԵԱՀԿ-ի, մեր ընտրությունների օրինականության ապահովման առաջնային խնդիրներից է կին-թեկնածուների ցածր մասնակցությունը, թե՞ ուղղակի տպավորություն ենք փորձում ստեղծել այդ «ազատ ու արդարի» ուղղությամբ:

Ինչևէ, առաջարկում ենք ԵԱՀԿ միջոցները վերջինիս ապահովման առաջնային խնդիրների վրա օգտագործել...ափսոս են:

ՀՊԱԿ նախագահ Ռ. Թորոսյան Հ.Գ.1- www.a1plus.am/am/politics/2011/12/02/osce-elections

2012 թ. մայիսի խորհրդարանական ընտրություններին ընդառաջ ԵԱՀԿ-ն աշխատում է աջակցել երկրին` ազատ և արդար ընտրություններ ապահովելու հարցում: Այսօր Երեւանում ասել է ԵԱՀԿ երևանյան գրասենյակի ղեկավարի պաշտոնակատար Կարել Հոֆստրան:

Բացի այդ, ըստ նրա, որպեսզի ընտրությունները համապատասխանեն ԵԱՀԿ պարտավորություններին, անհրաժեշտ է ստեղծել հնարավորություն, որպեսզի կանայք հավասարապես և լիարժեքորեն մասնակցեն այս գործընթացին։

Հայաստանի քաղաքական կուսակցությունների կողմից առաջադրվող կին-թեկնածուների մասնակցության խթանմանն ուղղված աշխատանքներն էին ԵԱՀԿ երևանյան գրասենյակի և ԵԱՀԿ ժողովրդավարական հաստատությունների և մարդու իրավունքների գրասենյակի /ԺՀՄԻԳ/ կողմից կազմակերպված կլոր սեղանի քննարկման առանցքում:

Հ.Գ.2- www.armradio.am/arm/news/?part=pol&id=45354

...Ինչ վերաբերում է գործարարներին` ՀՀԿ փոխնախագահը, վկայակոչելով նախագահի հայտնի հայտարարությունը, վստահեցրել է, որ ՀՀԿ-ի համամասնական ցուցակում այդ տարանջատումն ակնհայտ կլինի եւ օլիգարխների ներկայությունը այնտեղ կհասցվի նվազագույնի: Փոխարենը` վերջիններս ազատ են մեծամասնական ընտրատարածքներում առաջադրվելու խնդրում: