#հրատապ #Ահազանգ

Երևանի Գևորգ Չաուշի անվան N 188 հիմնական դպրոցը տարիներ շարունակ գտնվում է աղետալի վիճակում։ Դպրոցում բազում խնդիրներ կան` կոյուղատարի բացակայությունից մինչև սեյսմիկ անվտանգություն, շենքի նկուղից, դասասենյակների ու միջանցքների ճաքած պատերից ու առաստաղներից մինչև տանիք։

Երևանի ավագանու «Մայր Հայաստան» խմբակցության անդամներով օրերս այցելել ենք դպրոց, շրջել ենք դպրոցում, տեղում ծանոթացել այս և բազում այլ խնդիրների` արձանագրելով, որ դպրոցը շատ շտապ վերակառուցման կարիք ունի։

Տեղեկացնեմ նաև, որ ՀՀ կառավարության 13.07.2017թ. ֊ի 805 Ն որոշմամբ դպրոցը ընդգրկված է եղել սեյսմիկ անվտանգության բարելավման ծրագրի շրջանակներում կառուցվելիք կամ ամրացվելիք դպրոցների ցանկում սակայն ծրագիրը այս դպրոցին մասով այդպես էլ չի իրագործվել։

Ասեմ նաև, որ դպրոցում սովորում են 950 աշակերտ և աշխատում են 80 մանկավարժ։

Երևանի քաղաքապետարան

Նկատի ունենալով վերոգրյալը անհրաժեշտ է, որ անհապաղ 2025թ. ֊ի Երևան քաղաքի բյուջեով գումար հատկացվի հիշյալ դպրոցի վերակառուցման համար։

Երևանի ավագանու «Մայր Հայաստան» խմբակցության անդամ Արմենակ Դանիելյանի ֆեյսբուքյան էջից