Երևանի Ջոն Կիրակոսյանի անվան դպրոցում շարունակվում է նոր տնօրենի նշանակման հետկապված կոնֆլիկտը։ Աշակերտները բողոքի ակցիա են իրականացնում՝ պահանջելով տնօրենի պաշտոնակատար նշանակել գործող փոխտնօրեն Վերոնիկա Բաբաջանյանին: Այս պահին նրանք քայլում են դպրոցի միջանցքներով՝ վանկարկելով նրա անունը։

Դժգոհությունը պայմանավորված է Երևանի քաղաքապետ Տիգրան Ավինյանի որոշմամբ՝ տնօրենի ժամանակավոր պաշտոնակատար նշանակել Քրիստինե Դումանյանին, ում ամուսինը, դպրոցի ուսուցիչների հավաստմամբ, աշխատում է ԱԱԾ-ում:

Ուսուցիչներն ու աշակերտները պաշտպանում են Վերոնիկա Բաբաջանյանի թեկնածությունը, ով արդեն ներկայացրել է դպրոցի զարգացման ծրագիրը: Նրանք կարծում են, որ նա արժանի է գոնե փորձաշրջանի։ Ինչ վերաբերում է Քրիստինե Դումանյանի անձին, ապա քաղաքապետարանի ներկայացուցիչ Մարգարիտա Խաչատրյանը պաշտոնապես հերքել է քաղաքի ղեկավարության հետ ազգակցական կապեր ունենալու մասին լուրերը: Նա նաև խոստովանել է, որ հրատապ նշանակումը կապված է եղել ուսուցչի ձերբակալության շուրջ ծագած սկանդալի հետ:

Աղբյուրը՝ arm.sputniknews.ru