Ինչպես հաղորդում է տեղական «Estado» գործակալությունը՝ հղում կատարելով փրկարար ծառայությունների հաղորդած տվյալներին, Բրազիլիայի հարավ-արևելքում տեղի ունեցած ջրհեղեղի և սողանքների հետևանքով զոհվածների թիվն արդեն հասել է 500-ի։

Միևնույն ժամանակ նշվում է, որ խոսքը հայտնաբերված դիկաների մասին է և որ հարյուրավոր դիակներ դեռևս չի հաջողվել հայտնաբերել։

Ամենաշատը տուժել են Նովա Ֆրիբուրգ, Իտայպավա և Պետրոպոլիս քաղաքները։

Զոհվածների մասին տեղեկատվության պակասը պայմանավորված է նրանով, որ բոլոր կապի միջոցները վթարվել են։

Ինչպես հաղորդում է «O Globo» գործակալությունը, պաշտոնական տվյալներով շուրջ 5 հազ. 500 ընտանիք անօթևան է մնացել։ Տուժած շրջաններին օգնություն հասցնելը անհնար է դառնում խորտակված ու անանցանելի  ճանապարհների պատճառով։

Բացի դա, փրկարարական աշխատանքները պարբերաբար ընդհատվում են՝ տեղատարափ անձրևների պատճառով, որոնք գնալով շատանում են։

Փրկարար աշխատանքներին մասնակցում է շուրջ 800 մարդ։