Ուղևորներն ընթացքի ժամանակ ընկել են ավտոբուսից. նրանցից մեկը մահացել է

● Լրահոս

29.11.2011 ● 11:22

Ուղևորներն ընթացքի ժամանակ ընկել են ավտոբուսից. նրանցից մեկը մահացել է

Նոյեմբերի 28-ին, ժամը 09.30-ին, Վանաձոր-Սպիտակ ճանապարհի 5-րդ կմ-ին Լեռնավան-Վանաձոր երթուղու «ՊԱԶ-3205» մակնիշի ավտոբուսի առջևի դուռը ընթացքի ժամանակ բացվել է, ինչի հետևանքով ուղևորներից երկուսը՝ կին և տղամարդ, վայր են ընկել և մարմնական վնասվածքներով տեղափոխվել հիվանդանոց, որտեղ 44-ամյա Անդրանիկ ՈՒռուսյանը մահացել է:

Կատարվում է քննություն:

***

Նոյեմբերի 28-ին, ժամը 18.30-ի սահմաններում, «ԳԱԶել» մակնիշի ավտոմեքենան Երևան-Արտաշատ ճանապարհի 17-րդ կմ-ին՝ Ջրահովիտ գյուղի մոտ, բախվել է «ԼԱԶ-699» մակնիշի ավտոբուսի:

«ԳԱԶել»-ի ուղևորուհին մարմնական վնասվածքներով տեղափոխվել է հիվանդանոց:

Կատարվում է քննություն:

***

Նոյեմբերի 28-ին, ժամը 19.30-ի սահմաններում, «Լեքսուս» մակնիշի ավտոմեքենան Երևան-Սևան ճանապարհի 13-րդ կմ-ին բախվել է «ԿամԱԶ-5410» մակնիշի ավտոմեքենայի:

«Լեքսուս»-ի վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

***

Նոյեմբերի 28-ին, ժամը 17.00-ի սահմաններում, «Ֆորդ Տրանզիտ» մակնիշի ավտոմեքենայի վարորդը Նոր Գեղի-Նոր Արտամետ ճանապարհի 1-ին կմ-ին վրաերթի է ենթարկել 30-ամյա մի կնոջ, որը մարմնական վնասվածքներով տեղափոխվել է հիվանդանոց:

Կատարվում է քննություն:

***

Նոյեմբերի 28-ին, ժամը 15.55-ի սահմաններում, «Մերսեդես» մակնիշի ավտոմեքենան Գյումրիի Իսահակյան և Մհեր Մկրտչյան փողոցների խաչմերուկում բախվել է «ԳԱԶել» մակնիշի ավտոմեքենայի, ինչի հետևանքով «Մերսեդես»-ի վարորդն ստացել է մարմնական վնասվածք:

Կատարվում է քննություն: