1․ 2023թ․ նոյեմբերի 23-ին կառավարության նիստի ընթացքում հոսանքի անջատումը Բարձրավոլտ էլեկտրական ցանցում կատարվող աշխատանքների պատճառով էր

2․Աբովյան քաղաքում ֆուտբոլային խաղի ժամանակ հոսանքի խափանումը կապված էր այդ համայնքին պատկանող տրանսֆորմատորների անսարքության հետ․ ինչ-որ մեկն անջատել էին, որովհետև սարքին չէր, մյուսն էլ՝ դե չէր ձգել,

3․ Օպերայի շենքի հոսանքի անջատումը ևս կապված էր ազգային թատրոնին պատկանող, եթե չեմ սխալվում, ինչ-որ լուրջ էլեկտրական վահանակի անսարքության հետ,

4․ Ատոմակայանի անջատումը կապված էր, ասացին, կայծակի հարվածից

Այս բոլոր թվարկածս սուբյեկտները ՊԵՏԱԿԱՆ ԵՆ, նրանց տրանսֆորմատորները, վահանակները և այլ սարքերը՝ ևս. դրանց սպասարկումը, վերահսկումը և կազմակերպումը, ֆինանսավորումը, անում է պետությունը։

Իսկ դա, իր հերթին, նշանակում է, որ եթե ինչ-որ բան խափանվել է, վթարվել է, վառվել է այն պատճառով, որ անսարքությունը ժամանակին չեն վերացրել, ընթացիկ չեն սպասարկել, ուրեմն վրան փող չեն ծախսել, ժամանակին և տեղը տեղին, բարոյապես և ֆիզիկապես մաշված սարքերը չեն փոխարինել, ոչինչ չեն արել: Կամ արել են թերի, անելու տեղը տակը թուղթ են դրել։

Ավելի պարզ ասած՝ գումարները կան, չեն կարող չլինել, իսկ ծախսերը որ չեն արվում, էլի ասեմ՝ պետական սեփականության սարքավորումների վրա, ուրեմն, ինչպես սովորել ենք Նիկոլից, թալանել են, կերել են, լափել են։

Նույնն է, այսօրվա դեպքը․ «ՀրազՋԷԿ» պետական ընկերությանը պատկանող, սակայն չգործող ձուլարանում տեղի ունեցած պայթյունի հետևանքով, կա 5 վիրավոր և մեկ զոհ։

Այս բոլորը պետական են, այսինքն՝ գտնվում են կառավարության ենթակայության տակ, որի ղեկավարը Փաշինյանն է, նրա նախարարներն են վերահսկում, աշխատակազմի ղեկավարը: Փոխարենը պադավատները թարմացնեն և իրենց ֆեյքնյուզերով սլաքները ուղղեն այլոց հասցեին, թող փողը ծախսեն պետական սեփականություն հանդիսացող օբյեկտների պահպանության և սարքին լինելու վրա։ Ձեր արդեն տեխնիկական բարդակի պատճառով էլ ենք զոհեր ունենում։

Սևակ Հակոբյանի ֆեյսբուքյան էջից