«Հարգելի՛ քաղաքացիներ, եթե դուք մտածում եք, որ Արցախի հարցը փակելով՝ մենք հանգիստ կապրենք, ապա ճիշտ հակառակն է․ Արցախի հարցը փակելով՝ բացվելու է «Արևմտյան Ադրբեջանի» հարցը»,-Արցախի Հանրապետության օրվան նվիրված «ԱՐՑԱԽԻ ԹԵՄԱՆ ՓԱԿՎԱԾ ՉԷ» խորագրով «Մայր Հայաստան» ժողովրդական շարժման կազմակերպած քննարկման ժամանակ հայտարարել է քաղաքագետ Երվանդ Բոզոյանը։

Նա ընդգծել է, որ Արցախը միշտ վահանի դեր է կատարել Հայաստանի համար, իսկ այն հանձնելը նշանակում է թևեր տալ ադրբեջանական այն շրջանակներին, ովքեր երազում են, որ Երևանը լինի ադրբեջանական քաղաք։

«Եթե փակենք Արցախի թեման, Ադրբեջանը նոր վտանգավոր էջ է բացելու Հայաստանի համար։

Ունենք երկու ճանապարհ՝ կա՛մ Հայաստանը կզարգացնենք՝ հիմք դնելով, որ կարողանանք լուծել նաև Արցախի խնդիրը, կա՛մ Հայաստան չի լինելու»,-ասել է Երվանդ Բոզոյանը։