Երբ իշխանությունը կոմպետենտ չէ, չկա վերահսկողություն, իսկ աշխատանքն իրականացնողն էլ բարեխղճորեն չի կատարում իր աշխատանքը, ունենում ենք այս իրավիճակը։

Սա Դավիթ Բեկ փողոցն է, շինաշխատանքների (մեր նկարահանման պահին որևէ աշխատանք չէր կատարվում և չկար ոչ ոք` շինարար) նպատակով իբրև սահմանազատել են, սակայն Գետառի հատվածում բաց է, ցանկապատը նորմալ չի ամրացված, տեղ-տեղ ընկած է, անգամ մեքենաների ընթացքից ցնցվում ու վայր են ընկնում ցանցերը, եթե չեն էլ ընկնում, ապա էնպես են շարժվում, որ ցանկացած պահի կարող են պատահարի պատճառ դառնալ։

Իսկ ամենակարևորն այն է, որ մանկական զարգացման կենտրոնից աստիճաններն ուղիղ իջնում են Գետառի բաց հատվածի վրա...