Կառավարությունն իր այսօրվա նիստում որոշեց 4,4 մլն դրամ հատկացնել Փաշինյանի աշխատակազմի վարչական շենքի (Երևան, Հանրապետության հրապարակ, Կառավարական տուն 1) ջերմամատակարարման մայրուղային խողովակաշարերի վերակառուցման և կաթսայատան վերազինման նախագծանախահաշվային փաստաթղթերի մշակման խորհրդատվական ծառայության ֆինանսավորումն ապահովելու նպատակով:

Որոշման հիմնավորման մեջ նշվում է, որ շենքի ջեռուցման ջրագծերի համակարգը գտնվում է ֆիզիկապես մաշված վիճակում և ենթակա է փոխարինման:

Ի կատարումն նշված հանձնարարականի՝ ՀՀ քաղաքաշինության կոմիտեի և «ԱՐԽԻ ԹՈՒԼՍ» ՍՊԸ-ի միջև օգոստոսի 5-ին կնքվել է շենքի ջերմամատակարարման մայրուղային խողովակաշարերի վերակառուցման և կաթսայատան վերազինման նախագծանախահաշվային փաստաթղթերի մշակման խորհրդատվական ծառայության մատուցման պետական գնման պայմանագիրը 4,4 մլն դրամ ընդհանուր արժեքով: