Կառավարության հերթական նիստից առաջ, իչպես միշտ, կառավարության շենքի դիմաց հավաքվել էին խաղաղ պայմաններում զոհված  զինվորների  մայրերը և բողոքի  գործողություն էին իրականացնում։

Ինչպես կառավարության շենքի  մոտից տեղեկացնում է «7օր»–ի թղթակիցը, 2001թ. հոկտեմբերի 30–ին Վայքի զորամասում սպանված  զինվոր Արայիկ Ավետիսյանի մայրը դիմել է ՊՆ նախարարին, որ ծառայողական քննություն սկսի նույն զորամասի գումարտակի հրամանատար Մհեր Ստեփանյանի նկատմամբ։

Զինվորի մայրը պնդում է, որ  նա ծառայողական դիրքի չարաշահման համար 2 անգամ դտապարտվել է և այժմ իրավունք չունի աշխատելու  բանակում։ Նա նշել է, որ երբ այդ մասին կրկին հարցրել է կառավարության շենք մտնող նախարար Սեյրան Օհանյանին, նա պատասխանել է, թե այդ սպան պարտաճանաչ  աշխաատում է, և ինքը  նրան չի կարող ազատել  աշխատանքից։ Իսկ որդու  սպանության առնչությամբ նախարարը  խորհուրդ է տվել դիմել զինվորական դատախազություն։

Սպանված զինվորի մայրը  պնդում է, որ  իր որդուն արձակուրդից վերադառնալու հաջորդ օրը սպանել է հենց Մհեր Ստեփանյանը, այն բանի համար, որ զինվորը չի տվել գումարտակի հրամանատարի պահանջած 100 դոլարը։