Ավելի քան 1300 հայկական բեռնատարներ գտնվում են Վերին Լարսի ռուս-վրացական սահմանում և սպասում են իրենց էլեկտրոնային հերթին, ասվում է Հյուսիսային Օսեթիայի ճանապարհային երթևեկության կազմակերպման կենտրոնի կայքում:

Ըստ վերջին տվյալների` ընդհանուր առմամբ, հերթում գրանցված է ավելի քան 4,4 հազար մեքենա:

Ավելի վաղ Հյուսիսային Օսեթիայի ղեկավար Սերգեյ Մենյայլոն հայտնել էր, որ պետական սահմանին տարանցիկ ավտոտրանսպորտի կուտակման պատճառով հանրապետությունում բարձր պատրաստության ռեժիմ է սահմանվել, որի շրջանակներում բեռնատարների մուտքը տարածաշրջան սահմանափակված է մինչև կայանատեղիների ազատումը։

Ռազմավիրական ճանապարհը միակ գործող ցամաքային ճանապարհն է, որը Հայաստանը կապում է Ռուսաստանի հետ (Վրաստանի տարածքով)։

Աղբյուրը՝ arm.sputniknews.ru