Գերմանացի ֆուտբոլային մասնագետ Յուրգեն Կլոպն ավարտում է մարզչական կարիերան:

«Այս պահի դրությամբ իմ մարզչական կարիերան ավարտված է: Այժմ միայն հանգստություն և խաղաղություն եմ ուզում: Երջանկություն եմ ունեցել մարզելու աշխարհի ուժեղագույն ակումբներից մի քանիսը»,-«Արմենպրես»-ի հաղորդմամբ` ասել է Կլոպը:

Կլոպի վերջին ակումբը անգլիական «Լիվերպուլ»-ն էր: Գերմանացի մասնագետն անգլիական «Լիվերպուլ»-ի գլխավոր մարզչի պաշտոնը ստանձնել էր 2015 թվականին: «Լիվերպուլ»-ում լինելու այս տարիների ընթացում Կլոպն ակումբի հետ նվաճել է 10-ը տիտղոս: Նրա գլխավորությամբ թիմը դարձել է Չեմպիոնների լիգայի, Անգլիայի առաջնության, գավաթի հաղթող և նվաճել է ՈՒԵՖԱ-ի Սուպերգավաթը, աշխարհի ակումբային առաջնության չեմպիոնի տիտղոսը: