Ավարտվեց Չեմպիոնների լիգայի խմբային փուլի 5-րդ տուրի խաղային առաջին օրը: Այն աչքի ընկավ ոչ միայն գոլառատ դիմակայություններով, այլ նաև ռեկորդային նոր նվաճմամբ, որը հեղինակեց Մադրիդի «Ռեալը»` սեփական հարկի տակ 6-2 հաշվով պարտության մատնելով Զագրեբի «Դինամո»–ին»: Բանն այն է, որ առաջին 4 գնդակներն «արքայական ակումբի» ֆուտբոլիստները խփեցին ընդամենը 20 րոպեի ընթացքում, ինչի շնորհիվ «Ռեալը» սահմանեց մրցաշարի նոր ռեկորդ:

Տեղեկացնենք, որ նախկին նվաճումը պատկանում էր ֆրանսիական «Մոնակո»–ին, որի ֆուտբոլիստները 2005թ.-ին 4 գոլի հեղինակ էին դարձել 26 րոպեի ընթացքում:

Ստորև ներկայացնում ենք երեկ կայացած մնացած 7 հանդիպումների արդյունքները՝

ՆԱՊՈԼԻ  (Իտալիա)  -  ՄԱՆՉԵՍԹԵՐ  ՍԻԹԻ  (Անգլիա)`  2-1

ԲԱՎԱՐԻԱ  (Գերմանիա)  -  ՎԻԼՅԱՌԵԱԼ  (Իսպանիա )`  3-1

ԲԿՄԱ  (Ռուսաստան)  -  ԼԻԼԼ  (Ֆրանսիա)`  0-2

ՏՐԱԲԶՈՆՍՓՈՐ  (Թուրքիա)  -  ԻՆՏԵՐ  (Իտալիա )`  1-1

ՄԱՆՉԵՍԹԵՐ  ՅՈՒՆԱՅԹԵԴ  (Անգլիա)  -  ԲԵՆՖԻԿԱ  (Պորտուգալիա )`  2-2

ՕՑԵԼՈՒԼ  (Ռումինիա)  -  ԲԱԶԵԼ  (Շվեյցարիա )`  2-3

ԼԻՈՆ  (Ֆրանսիա)  -  ԱՅԱՔՍ  (Հոլանդիա )`  0-0

Այսպիսով՝ «Ռեալ»–ը, «Բավարիան» և «Ինտեր»–ը արդեն ապահովեցին իրենց տեղը փլեյ-օֆֆում։