17.11.2024 ● 20:41
17.11.2024 ● 17:44
17.11.2024 ● 15:25
17.11.2024 ● 11:42
17.11.2024 ● 11:33
17.11.2024 ● 10:26
17.11.2024 ● 10:07
17.11.2024 ● 09:31
16.11.2024 ● 23:08
16.11.2024 ● 18:56
16.11.2024 ● 12:57
16.11.2024 ● 12:53
16.11.2024 ● 12:46
16.11.2024 ● 12:46
16.11.2024 ● 11:31
16.11.2024 ● 09:37
Բացահայտ սուտ. Զատուլինը Գրիգորյանի՝ Ղարաբաղն Ադրբեջանին հանձնելու մեղադրանքների մասին
Հայաստանի Անվտանգության խորհրդի քարտուղար Արմեն Գրիգորյանի հայտարարությունները, թե իբր Ռուսաստանը Լեռնային Ղարաբաղը «հանձնել է» Ադրբեջանին, բացահայտ սուտ են: Այս մասին ՌԻԱ Նովոստիին հայտնել Է Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։
«Տվյալ դեպքում խոսքը բացահայտ ստի մասին է»,-ասել է Զատուլինը:
Նրա խոսքով՝ Ղարաբաղը ոչ միայն պետք չէր Նիկոլ Փաշինյանին, այլև «ներքաղաքական առումով վնասակար էր», ուստի նա նախընտրեց առաջնորդվել իր արևմտյան բարեկամներով:
«Նա բարդ դրության մեջ է դրել Ռուսաստանի խաղաղապահ առաքելությանը Լեռնային Ղարաբաղում։ Սա, ըստ ամենայնի, Արևմուտքի հետ նրա նոր բարեկամության պայմանն էր, չէ՞ որ Արևմուտքին Ղարաբաղում ռուս խաղաղապահներ պետք չեն։ Ինչպես, ի դեպ, Հայաստանի անդամակցությունը ՀԱՊԿ-ին կամ ռուսական ռազմաբազան Գյումրիում։ Սրանք, ըստ ամենայնի, հաջորդ հարցերն են, և դա ոչ մի կերպ չի թաքցվում պարոն Փաշինյանի կողմնակիցների և նրա կողմից» -ընդգծել է Զատուլինը։
Ինչպես գործակալությանը իր հերթին հայտնել է ռուս սենատոր Սերգեյ Պերմինովը, Հայաստանի Անվտանգության խորհրդի քարտուղար Արմեն Գրիգորյանի հայտարարությունն արվել է Երևանի՝ երկու աթոռի վրա նստելու ցանկությունից ելնելով, դա Հայաստանի ղեկավարության որոշումների «դատարկությունը ծածկագրելու» փորձ է:
«Ռուսաստանը հուսալի երաշխավոր էր իր հետևողական դաշնակիցների համար։ Երկակիությունն ու «երկու» աթոռներին նստելու ցանկությունը միշտ հանգեցնում են ամպագոռգոռ հայտարարություններ անելու անհրաժեշտության»,-ասել է Պերմինովը։
Ավելի վաղ Արմեն Գրիգորյանը լրագրողների հետ զրույցում հայտարարել էր, որ Ռուսաստանը «խլել է Լեռնային Ղարաբաղը Հայաստանից և վերադարձրել Ադրբեջանին» այն պայմաններում, երբ Երևանը լիովին կախված էր Մոսկվայից: Պաշտոնյան նաև հայտարարել է, որ առանց Ռուսաստանի «թույլտվության» տարածաշրջանում պատերազմ չէր լինի։
Աղբյուրը՝ arm.sputniknews.ru