Եվրո-2024-ի խմբային փուլի վերջին տուրի խաղում Վրաստանի հավաքականը 2:0 հաշվով սենսացիոն հաղթանակ տարավ Պորտուգալիայի նկատմամբ եւ F խմբում 4 միավորով գրավեց երրորդ տեղը՝ պատմության մեջ առաջին անգամ դուրս գալով ԵԱ-ի 1/8 եզրափակիչ։

Արդեն երկրորդ րոպեին պորտուգալացիների դարպասը գրավեց իտալական «Նապոլիի» հարձակվող Խվիչա Կվարացխելիան (տեսանյութ)։

57-րդ րոպեին 11-մետրանոցն արդյունավետ իրացրեց ֆրանսիական «Մեցի» հարձակվող Ժորժ Միկաուտաձեն։

Խմբի մյուս խաղում Թուրքիայի հավաքականը 2:1 հաշվով հաղթեց չեխերին եւ 6 միավորով գրավեց երկրորդ տեղը։

Առաջին խաղակեսում չեխերը մնացին 10 ֆուտբոլիստներով։ 20-րդ րոպեին մրցակցի ոտնաթաթի վրա կանգնելու համար երկրորդ դեղին քարտը ստացավ եւ հեռացվեց իտալական «Ֆիորենտինայի» կիսապաշտպան Անտոնին Բարակը (տեսանյութ)։

51-րդ րոպեին հանդիպման հաշիվը բացեց Թուրքիայի հավաքականի եւ Իտալիայի չեմպիոն Միլանի «Ինտերի» կիսապաշտպան Հական Չալհանօղլուն (տեսանյութ)։

66-րդ րոպեին Չեխիայի թիմը վերականգնեց հավասարությունը Լոնդոնի «Վեստ Հեմի» կիսապաշտպան Թոմաշ Սոուչեկի գոլի շնորհիվ (տեսանյութ)։

Թուրքիայի հաղթական գոլն ավելացված չորրորդ րոպեին խփեց «Բեշիկթաշի» հարձակվող Ջենք Թոսունը (տեսանյութ)։

Թուրքիայի հավաքականը շարունակում է պայքարը փլեյ-օֆֆում։ Պորտուգալիան երկու հաղթանակից հետո նախորդ տուրում էր ապահովել տեղը 1/8 եզրափակիչում։ Չեխիան 1 միավորով գրավեց վերջին տեղը։

Աղբյուրը՝ sport.news.am