Իտալիայի խորհրդարանի ստորին պալատի պատգամավորները նոյեմբերի 18–ին վստահության քվե են հայտնել Մարիո Մոնտիի գլխավորությամբ նոր կառավարությանը։ Ինչպես փոխանցում է «Lenta.ru»–ն, այս մասին հայտնում է «Ֆրանս պրես» գործակալությունը։

Ավելի վաղ՝ նոյեմբերի 17–ին, նոր կառավարությանն իրենց հավանությունն են տվել իտալացի սենատորները։

«Ռոյթերս»–ի տվյալներով՝ նոր կառավարությանը կողմ է քվեարկել 556 պատգամավոր, դեմ՝ 61։

Նոր կառավարության հիմնական խնդիրը լինելու են հարկատվությունից խուսափելու դեմ պայքարը և կենսաթոշակային համակարգի բարեփոխումները։