Սահմանազատումից հետո քանի՞ րոպե կպահանջվի Ադրբեջանից Կիրանցի դպրոցի հասնելու համար (տեսանյութ)
Sputnik Արմենիայի թղթակիցը փորձել է ենթադրյալ սահմանագծից հասնել Կիրացի դպրոց։ Կարճ ժամանակ անց համայնքում մի քայլ սխալ անելու արդյունքում կարող ես սահմանախախտ դառնալ։
Տավուշի Կիրանց համայնքի նորակառույց դպրոցը սահմանազատումից հետո ադրբեջանական հատվածից մի քանի մետր հեռավորության վրա է հայտնվում։ Ընդամենը 1 րոպեում կարելի է ադրբեջանական կողմից հասնել դպրոց։
Sputnik Արմենիան արդեն գրել է, որ սահմանազատման արդյունքում հակառակորդին անցած տները սեփականատերերն իրենց ձեռքերով են քանդում։
Կիրանցում սահմանազատման հետևանքով ընդհանուր 30 անձի պատկանող 54 գույք է անցնում ադրբեջանական կողմին, որոնց բոլորի համար առկա են կադաստրի վկայականներ։ 30-ից 20-ը համաձայնել են ընդունել կառավարության առաջարկած փոխհատուցումները, ընդ որում, խոսքը բավականին մեծ գումարների մասին է։ Մեր ունեցած տեղեկություններով՝ 50-130 հազար դոլար փոխհատուցում է առաջարկվում՝ կախված գույքի տեսակից։ Ամենաբարձրը գնահատվում են Ադրբեջանին անցնող տները։
Հիշեցնենք, որ դրանք Կիրանցում 2-ն են՝ Մհեր Սիմոնյանի և Խանում Թամրազյանի տները։ Երկուսն էլ արդեն սկսել են քանդել իրենց տները։ Գյուղապետ Կամո Շահինյանի խոսքով՝ երկուսին էլ գյուղում հող է հատկացվելու նոր տուն կառուցելու համար։
Բացի 2 բնակելի տներից Ադրբեջանին են հանձնվում 3 խանութ, 1 ավտոմասերի կետ, 48 հողամաս, նաև մի քանի հա համայնքային հողեր։ Տներից ու հողամասերից մի քանիսն էլ հայտնվում են անմիջապես սահմանին կիպ, թեպետ մնում են հայկական կողմում, սակայն դրանց հետագա օգտագործումը ևս կասկածի տակ է։
Սահմանազատումից հետո քանի՞ րոպե կպահանջվի Ադրբեջանից Կիրանցի դպրոցի հասնելու համար (տեսանյութ)
Sputnik Արմենիայի թղթակիցը փորձել է ենթադրյալ սահմանագծից հասնել Կիրացի դպրոց։ Կարճ ժամանակ անց համայնքում մի քայլ սխալ անելու արդյունքում կարող ես սահմանախախտ դառնալ։
Տավուշի Կիրանց համայնքի նորակառույց դպրոցը սահմանազատումից հետո ադրբեջանական հատվածից մի քանի մետր հեռավորության վրա է հայտնվում։ Ընդամենը 1 րոպեում կարելի է ադրբեջանական կողմից հասնել դպրոց։
Sputnik Արմենիան արդեն գրել է, որ սահմանազատման արդյունքում հակառակորդին անցած տները սեփականատերերն իրենց ձեռքերով են քանդում։
Կիրանցում սահմանազատման հետևանքով ընդհանուր 30 անձի պատկանող 54 գույք է անցնում ադրբեջանական կողմին, որոնց բոլորի համար առկա են կադաստրի վկայականներ։ 30-ից 20-ը համաձայնել են ընդունել կառավարության առաջարկած փոխհատուցումները, ընդ որում, խոսքը բավականին մեծ գումարների մասին է։ Մեր ունեցած տեղեկություններով՝ 50-130 հազար դոլար փոխհատուցում է առաջարկվում՝ կախված գույքի տեսակից։ Ամենաբարձրը գնահատվում են Ադրբեջանին անցնող տները։
Հիշեցնենք, որ դրանք Կիրանցում 2-ն են՝ Մհեր Սիմոնյանի և Խանում Թամրազյանի տները։ Երկուսն էլ արդեն սկսել են քանդել իրենց տները։ Գյուղապետ Կամո Շահինյանի խոսքով՝ երկուսին էլ գյուղում հող է հատկացվելու նոր տուն կառուցելու համար։
Բացի 2 բնակելի տներից Ադրբեջանին են հանձնվում 3 խանութ, 1 ավտոմասերի կետ, 48 հողամաս, նաև մի քանի հա համայնքային հողեր։ Տներից ու հողամասերից մի քանիսն էլ հայտնվում են անմիջապես սահմանին կիպ, թեպետ մնում են հայկական կողմում, սակայն դրանց հետագա օգտագործումը ևս կասկածի տակ է։