«Սահմանադրական դատարանը արեց այն, ինչ հնարավոր էր անել՝ ուղերձ դատարաններին, որով բացատրում էր, թե ինչպես պետք է կիրառվի այդ հոդվածը», -ասել է Խոսքի ազատության կոմիտեի նախագահ Աշոտ Մելիքյանն՝ անդրադառնալով ՀՀ մարդու իրավունքների պաշտպանի կողմից վիճարկված ՀՀ քաղաքացիական օրենսգրքի 1087.1–րդ հոդվածի (վիրավորանքի և զրպարտության դրույթներ) վերաբերյալ Սահմանադրական դատարանի որոշմանը։

–Ճիշտ կլիներ, որ ՍԴ–ն օգտվեր իր սահմանադրական իրավունքից և կասեցներ այս որոշումը,–նշել է բանախոսը՝ հավելելով, որ այդ հոդվածը դժվար է ճանաչել հակասահմանադրական։

Ըստ Ա. Մելիքյանի՝ Սահմանադրական դատարանի որոշումները առհասարակ պարտադիր են մյուս դատարանների համար, և այն դատավորները, որոնք կցանկանան արդար որոշում կայացնել, նրանք կարող են հիմնվել այս որոշման վրա։ Սակայն խնդիրն այն է, որ հազվադեպ են այն դեպքերը, երբ դատավորները պատասխանատվության են ենթարկվում ոչ ճիշտ որոշում կայացնելու համար։

7or.am