«ՀՅԴ»  և  «Ժառանգություն»  կուսակցությունների

ԱԺ  խմբակցությունների, ինչպես  նաև,

Կոալիցիոն պատգամավորներին

Հարգելի  պատգամավորներ,

մի՛  ընդունեք  Հ. Աբրահամյանի  հիմնավորումը  ԱԺ  նախագահի  հրաժարականի մասին, քանի  որ  ուղղակիորեն մասնակից  եք դառնում  ՀՀԿ-ի  կողմից  իշխանության  յուրացմանը:

Ավելին, ինչպես  կարելի  է  համաձայնվել  այն  անհեթեթության  հետ, ըստ որի  ՀՀԿ  նախընտրական շտաբն ավելի  բարձր  մարմին  է  քան  երկրի  պառլամենտը:

Պետք  է  հարգել  ՀՀ  օրենսդրությունը, մասնավորապես  ԱԺ  Կանոնակարգի  97-րդ  հոդվածի  8-րդ  մասը, որն  էլ  գործում  է  համաձայն  «Իրավական  ակտերի  մասին»  ՀՀ օրենքի  24-րդ  հոդվածի  5-րդ  մասի  պահանջների, եթե, իհարկե,  հակասություն  եք  նկատում  նրա  և  նույն  Կանոնակարգի  20-րդ  հոդվածի  2-րդ  մասի  միջև:

Ի  դեպ, վերջինս, իր  անհաջող  ձևակերպմամբ, ակնհայտորեն  տեխնիկական հարց  է լուծում՝ հրաժարականի  մասին դիմումը  քննարկման  ընդունելու /չընդունելու/ մասին:

Հարկավոր  է  նախադեպ  ստեղծել  սույն  հարցում  օրենքի  կատարման  ուղղությամբ  և  ընդունել  ԱԺ  համապատասխան  որոշում: Պետական  պաշտոնն, այն  էլ՝ այդպիսին,  խաղալիք  չէ  և  ամեն  մի  հրաժարական ներկայացնող  պետք  է  պատասխատվություն  զգա  իր  հիմնավորումների  համար  կամ  աջակցություն  ակնկալի իրեն  ընտրած  մարմնի կողմից  այդ  հարցում    իր  հանդեպ  կիրառված  հնարավոր  բռնությունից:

Հակառակ  դեպքում, անհեթեթ  իրավիճակ  է  ստեղծվում, անգամ, ԱԺ  որոշումների  մասով՝ անձը  պաշտոնի  է  ընտրվում /նշանակվում/  որոշմամբ, իսկ  ազատվում  է  առանց  որևէ  որոշման:

Վերջին  հաշվով, սույն  դեպքում,  քննարկման կարելի  է ներկայացնել  հետևյալ  բովանդակությամբ  ԱԺ  որոշման երկու  նախագիծ, այն  են՝

1. չընդունել  ներկայացված  հիմնավորումը  հրաժարականի վերաբերյալ  և  ի  գիտություն  ընդունել  ԱԺ  նախագահի  հրաժարականը,
2. չընդունել  հիմնավորումը  /հրաժարականը/  և  վաղաժամկետ  դադարեցնել  ԱԺ  նախագահի  լիազորությունները:

Ըստ  իս, Աբրահամյան  Հ.-ն  արժանի  է  վերջին  որոշմանը  և  այդ կերպ  թող վայելի...

...ավելի  բարձր  պաշտոնի հաճույքը:

Հարգանքով՝

ՀՊԱԿ  նախագահ Ռուբեն Թորոսյան