ՀՀԿ խորհրդի նիստում մարզպետների հրաժարականների հարցեր չեն քննարկվելու

● Լրահոս

16.11.2011 ● 15:30

ՀՀԿ խորհրդի նիստում մարզպետների հրաժարականների հարցեր չեն քննարկվելու

Լրագրողների հարցին՝ իրականությանը համապատասխանո՞ւմ են արդյոք մամուլի այն հրապարակումները, որ Իջևանի ընտրությունների կապակցությամբ վաղը ՀՀԿ խորհրդի նիստում քննարկվելու է նաև Իջևանի մարզպետ Արմեն Ղուլարյանի հրաժարականի հարցը, ԱԺ ՀՀԿ խմբակցության պատգամավոր Լեռնիկ Ալեքսանյանը պատասխանել է, որ դա չի համապատասխանում իրականությանը։

–Պարտությունը պայմանավորված չէ մարզպետով,–պնդել է ՀՀԿ–ականը։ Նրա խոսքերով՝ ՀՀԿ խորհրդի նիստում քննարկվելու են ներկուսակցական կյանքին վերաբերող հարցեր։

Իսկ այն հարցին՝ ՀՀԿ խորհրդի նիստում քննարկվելո՞ւ է արդյոք Սյունիքի մարզպետ Սուրեն Խաչատրյանի հրաժարականի հարցը, բանախոսն ասել է, որ օրակարգում դեռ այդպիսի հարց չկա։

–Երևույթն ահավոր տգեղ է՝ ով ուզում է լինի,–նշել է նա,–սակայն սա ունի իր նախապատմությունը. այդ հարցը տեղափոխվել է քրեական դաշտ, և այժմ քննարկելը ճիշտ չի լինի։

Լ. Ալեքսանյանը նաև հավելել է. «Սուրիկ Խաչատրյանը պատահական մարդ չէ. ինչքան էլ էմոցիոնալ լինի, նա շատ լավ հասկանում է՝ ում է խփում, ինչի է խփում, կամ խփի՞, թե՞ չխփի»։

7or.am