ԵՄ Խորհրդատվական խումբն իր վերջերս թողարկած քաղաքականության մշակմանն ուղղված փաստաթղթում ոսումնասիրություն է ներկայացնում Հայաստանի և հարևան երկրների միջազգային առևտրի և  արտահանման խթանման համար հատկացվող ֆինանսական օժանդակումն ու առաջարկում Հայաստանում ստեղծել առևտրի խթանման կազմակերպություններ, որոնք «մեկ պատուհանի կանգառ» սկզբունքով կկենտրոնացնեն ու կօժանդակեն հայկական ընկերությունների արտահանման հետ կապված գործունեությանը:

Արտահանման շուկայում հաջողությունները կենսական նշանակություն ունեն տեղական ընկերությունների և առհասարակ երկրի տնտեսության հեռահար աճի համար: Ֆինանսական գործիքների ստեղծումը հաջող արտահանման շուկայի նախապայման է համարվում: Առևտրի խթանման կազմակերպության  առաքելությունն է նպաստել բիզնեսի արտահանման հաջողությանը` արտահանման տարաբնույթ ու համապարփակ լուծումների միջոցով` Արտահանման գործընթացի արժեքային շղթայի հետ միասին:

Առևտրի խթանման կազմակերպություն ստեղծելու նպատակն է օժանդակել միջազգային շուկաներ մուտք  գործելու ժամանակ ընկերությունների առջև ծառացող խոչընդոտների հաղթահարմանը հետևյալի միջոցով`

-       Միջազգային շուկայում մրցունակ դառնալու համար տեղական ընկերությունների կարողությունների զարգացում,

-       Արտահանումը որպես աճի և շուկայի ընդլայնման հնարավորության վերաբերյալ տեղեկատվության տարածում,

-       Արտահանման գործընթացի տարբեր փուլերում խոչընդոտների հաղթահարում,

-       Պետական և հասարակական գործակալությունների` արտահանման խթանմանն ուղղված գործունեության համակարգում: