Սույն թվականի նոյեմբերի 15–ին` ժամը 10:00-ին, ՀՀ ԳԱԱ նախագահությունում (Բաղրամյան 24) կմեկնարկի «Անին միջնադարյան Հայաստանի քաղաքական եւ քաղաքակրթական կենտրոն» միջազգային գիտաժողովը: Գիտաժողովին կմասնակցեն Հայաստանի, Ռուսաստանի, Ֆրանսիայի, Իտալիայի, ԱՄՆ-ի, Ավստրիայի առաջատար գիտնականներ: Գիտաժողովն իր աշխատանքները կշարունակի մինչեւ նոյեմբերի 17-ը:

Գիտաժողովը կազմակերպվում է Անին Բագրատունյաց թագավորության մայրաքաղաք հռչակելու 1050-ամյակին նվիրված հոբելյանական միջոցառումների շրջանակում:

Անիի 1050-ամյակի առթիվ արդեն իսկ հայերեն, անգլերեն, ռուսերեն լեզուներով ստեղծվել է www.ani1050.sci.am կայքը: Կայքում տեղադրված են Անիի մասին արժանահիշատակ տեղեկություններ, պատմական ակնարկ, լուսանկարներ: Կայքում նաեւ կարելի է տեղեկատվություն ստանալ հոբելյանական միջոցառումների մասին:

ՀՀ ԳԱԱ Տեղեկատվական-վերլուծական կենտրոն