«Որոշակի քննադատական վերաբերմունք կա Ձեզ հաջորդող դեսպանների՝ Ջոնաթան Ջեյմս Էյվս և Քեթրին Ջեյն Լիչ ամուսնական զույգի վերաբերյալ։ Ինչպե՞ս կմեկնաբանեք դա» հարցին Հայաստանում Մեծ Բրիտանիայի և Հյուսիսային Իռլանդիայի Միացյալ Թագավորության արտակարգ և լիազոր դեսպան Չարլզ Լոնսդեյլը, ում պաշտոնավարման ժամկետը կլրանա 2011թ. վերջին, պատասխանել է, թե ինքը չի կարծում՝ նրանց ընտրվելը վիրավորական գնահատականի է արժանացել։

«Կարող եմ վստահաբար ասել, որ դուք ունենալու եք շատ ակտիվ, ոգեշնչված, աշխատասեր մարդկանց զույգ։ Ես նրանց շատ լավ եմ ճանաչում, որոնց հետ միասին աշխատել եմ Մոսկվայում։ Վստահ եմ, որ նրանք պատրաստ են հանձն առնել երկու երկրների միջև զարգացման գործընթացը»,–ասել է դեսպանը։

Այս փաստը, ըստ բանախոսի, կարևոր է Միացյալ Թագավորության ԱԳՆ–ի համար, քանի որ իրենք կարողանում են չբաժանել ամուսնական զույգը և միևնույն ժամանակ երկուսին զարգանալու հնարավորություն տալ։

–Սա, անշուշտ, կարևոր է նաև Հայաստանի համար, քանի որ դուք կկարողանաք օգուտ քաղել երկու բանիմաց մարդկանցից,–հավելել է դեսպան Չարլզ Լոնսդեյլը։

7or.am