«Միհր» գործակալության հաղրդում է, որ Թուրքիան անընդունելի է համարել Իրանին ուղղված Արևմուտքի սպառնալիքները։

Մասնավորապես, Թուրքիայի արտգործնախարար Ահմեդ Դավութօղլուն քննադատել է Իրանին հասցեագրած Իսրայելի սպառնալիքները։ «Մենք չենք կարծում, որ ճիշտ կլինի օրակարգում ներառել ևս մեկ ռազմական գործողության հարցը։ Թուրքիան հանդես է գալիս տարածաշրջանում ռազմական ուժ կիրառելու դեմ՝ համոզված լինելով, որ Մերձավոր Արևելքում յուրաքանչյուր նոր նման քայլ կհանգեցնի ռեգիոնի անկայունությանը»,–ասել է Դավութօղլուն։

Միջազգայի փորձագետները հայտնում են, որ որ Իրանին ռազմական հարված հասցնելու դեպքում նավթի ու գազի գները կարճ ժամանակահատվածում եռակի աճ կարձանագրեն, իսկ Հորմուզի նեղուցի փակվելու դեպքում ԱՄՆ-ը, Արևմտյան Եվրոպան և Չինաստանը կզրկվեն ծովային այդ ճանապարհով արտահանվող մերձավորարևելյան նավթի 40 տոկոսից: