ՀՀ մշակույթի նախարար Հասմիկ Պողոսյանն անդրադռնալով Կեչառիս եկեղեցու տարածքում ռեստորանային համալիրի կառուցմանը՝ ասել է, թե նախարարության օրակարգում այդ հարցը չի քննարկվում, որովհետև փաթեթ չի ներկայացվել։

«7օր»–ի այն դիտարկմանը, թե Կոտայքի մարզպետ Կովալենկո Շահգալդյանը եկու օր առաջ հայատարարել էր, թե իրենց մարզպետարանը դիմել է մշակույթի նախարարություն՝ այդ խնդրի քննարկման փաթեթով և դեռ պատասխան չի ստացել՝ Հասմիկ Պողոսյանը պատասխանել է.

–Կարգն այսպիսին է՝ նախագիծը պաշտոնապես պետք է ներկայացվի այն վիճակում, որը որ պետք է մտնի գիտամեթոդական խորհուդ՝ համապատասխան փաստաթղթերով և այլն։ Մեզ ներկայացված փաթեթը  ամբողջական չի եղել, մենք ետ ենք ուղարկել և ասել, որ այն պետք է ամբողջական տեսքի բերվի և կրկին ներկայացվի մշակույթի նախարարություն։ Փաթեթը դեռ ետ չի եկել և հերթական նիստի օրակարգում չի դրվել, բնականաբար, չի քննարկվել և, բանակաբար, որևէ ընթացք չկա։

Ըստ Հասմիկ Պողոսյանի՝ փաթեթը մոտ մեկ ամիս առաջ է ետ ուղարկվել, իսկ Կովալենկո Շահգալդյանն ընդամնեը երկու օր առաջ վստահեցնում էր, որ իրենք փաթեթն ուղարկել են և պատասխան չեն ստացել նախարարությունից։

7or.am