«Պռեգոմեշը» ներկայացրել է տղամարդկանցհավաքածուն։

Երեկոն բացել է Ներսես Ավետիսյանը, որից հետո Սիրուշոն պատմել է զարդերի ստեղծման մասին։

Նա նշել է, որ վերջին տարիներին նշելու արժանի շատ ձեռքբերումներ են ունեցել, բայց հաշվի առնելով երկրում իրավիճակը՝ զերծ են մնացել միջոցառումներից։

«Ամեն դեպքում, սա այս շրջանի մեր առաջին նման միջոցառումն է»,-ասել է Սիրուշոն։

Միջոցառման շուրջ 200 հյուրերի շարքում են եղել նաև «Պռեգոմեշ»-ի հավատարիմ հաճախորդները։

Երեկոյի ամբողջ ընթացքում եղել է հայկական «Օսկի» ջինի հյուրասիրություն։

Նաև տեղի է ունեցել առաջին-նմուշ զարդերի աճուրդ, որի հասույթը փախանցվել է Արցախից բռնի տեղահանված ընտանիքներին։

Տղամարդկանց հավաքածուն բաղկացած է 25 զարդանմուշներից և չնայած որ ընդամենը 3 օր է վաճառքում, արդեն կան նմուշներ, որ գրեթե սպառվել են:

Նշենք, որ վերջին տարիներին «Պռեգոմեշին» հաջողվել է դառնալ հայկական ամենաշատ վաճառված զարդերի բրենդը, որը սիրվել է աշխարհի տարբեր երկրներում։