Բոլորիս  աչքի առջև,  ՀՀԿ  վերնախավն օր-օրի  յուրացնում  է  ժողովրդին  պատկանող  իշխանությունը, այն  է՝ խախտելով սահմանադրական  կարգը, ձևավորում  է    պետական  և  տեղական  ինքնակառավարման մարմիններ:

Այդ  «հանցագործության» /ՀՀ  Սահմանադրության 2-րդ  հոդված/ հիմնական  պատճառն այն  է, որ  ՀՀ  Նախագահի  պաշտոն  զբաղեցնողը  համատեղում  է  նաև  ՀՀԿ ղեկավարի  պաշտոնը, ինչը  նորություն  է  մեր  քաղաքական  կյանքում:

Իսկ  հետևանքները  ոչ  միայն   հակասահմանադրական են, այլև՝անհեթեթ, մասնավորապես՝ ՀՀԿ  ղեկավար  Ս.Սարգսյանը  ՀՀ  Նախագահի  պաշտոնը  զբաղեցնող  Ս.Սարգսյանին  առաջարկում  է  կառավարության անդամների  թեկնածություններ:

Սակայն, ակնհայտ  է, որ  այդ  ձևական և  ցուցադրական  միջոցառումների  միջոցով, ՀՀԿ-ն  իրականացնում  է իր  հիմնական նպատակն, այն  է՝  քարոզում  է   ՀՀԿական ուժը  երկրի  հասարակական-քաղաքական կյանքում, առավել  ևս՝ ընտրությունների  շեմին:

Այսինքն, ՀՀ  Նախագահի  պաշտոնը  զբաղեցնողը  շարունակում  է  իր  պաշտոնեական  դիրքն  օգտագործել  հօգուտ  կուսակցական  շահերի:

Այդ  կապակցությամբ, մենք  ակնկալում  ենք  հայաստանյան  ժողովրդավարությունից «հարբած»  միջազգային կազմակերպությունների  փորձառու  հորդորները  ՀՀ  իշխանություններին, այն  է՝ Ս.Սարգսյանը  պետք  է  հրաժարվի  հիշյալ  պաշտոններից  որևէ  մեկից:

Ավելի  քան  ակնհայտ է, որ  իր  աշխարհահռչակ  պրոֆեսորի  նման  գործունեության համար,  պարտավոր  է  բացատրություններ  տալ  նաև  Մ. Լոմոնոսովի անվան Մոսկվայի պետական համալսարանի  գիտական  խորհուրդը:

Հայաստանի Պառլամենտարիզմի Կենտրոն

Հ.Գ. - Այսօր  մեր համապատասխան գրությունն ուղարկվել  է  ՄՊՀ-ի  ռեկտոր  ակադեմիկոս Վիկտոր Սադովնիչուն