«Սպասելի էր, որովհետև մենք տեսնում ենք, թե ամեն անգամ ինչպես են իրենք իրենց թերացումներն ու ձախողումները փորձում արդարացնել` մարդկանց հիշեցնելով նախկին ինչ–որ երևույթներ, շատ դեպքերում` ինչ–որ բաներ, որոնք չեն եղել կամ շատ մեծ չափազանցությամբ են ներկայացվում Այս մասով ինձ համար միանգամայն սպասելի էր։ Բայց վատ է, որ մի մարդ, որը պատասխանատու է 4-5 հազար մեր հայրենակիցների մահվան համար, պատերազմի, կորուստների ու այս դաժան իրականության համար, որում հայտնվել ենք, 20 տարի հետ գնալով, ինչ–որ դժբախտ դեպքեր է հիշեցնում ու դրանով կարծես փորձում արդարացնել մնացած ամեն ինչը»,–պարզաբանեց ընդդիմադիր պատգամավորը։

Նրա կարծիքով` խորհրդարանական ընդդիմության հիմնական անելիքը անվտանգության և սոցիալական հարցերի լուծումներ առաջարկելն է։

Երիտասարդ քաղաքական գործիչը չի հերքում, որ հասարակության որոշակի շերտեր դժգոհ են ընդդիմությունից, ինչը, նրա գնահատմամբ, պայմանավորված է իշխանափոխության նախկին փորձերի ձախողումներով։ Այնուամենայնիվ, Քոչարյանը կարծում է, որ պետք է պահպանել շփումը մարդկանց հետ, իմանալ նրանց կարիքները։

««Հայաստան» խմբակցությունում կան պատգամավորներ, որոնք ամենօրյա ռեժիմով «անհանգստացնում» են իշխանություններին և բարձրաձայնում այդ խնդիրների մասին»,– ասաց նա։

Լևոն Քոչարյանն անդրադարձավ նաև քաղաքական գործունեությամբ զբաղվելու իր որոշմանը` նշելով, որ քաղաքականությամբ զբաղվելու կամ պաշտոն ունենալու նպատակ երբևէ չի ունեցել ։

«Երևի թե երկար տարիներ լինելով նախագահի որդի` գիտակցել եմ պաշտոն ունենալու ծանրությունը։ Բայց իրավիճակի բերումով ինչ–որ պրոցեսներ եղան, որոնց ես ուղղակի չէի կարող անտարբեր լինել` թե՛ անձնական, թե՛ երկրի հետ կապված։ Ամեն դեպքում ես մասնակցել եմ ընտրություններին, եղել եմ ընտրացուցակում, և այս ամենը ինձ համար կանխատեսելի էր որոշ չափով»,-ասաց Քոչարյանը։

Արձագանքելով լուրերին, թե ՀՀ նախկին նախագահի որդուն նախապատրաստում են որպես ընդդիմության ապագա լիդերի կամ իրավահաջորդի` Լևոն Քոչարյանն ասաց, որ այս պահին նման պայմանավորվածություն չկա, իսկ իր քաղաքական գործունեության հետագա ընթացքը ապագան ցույց կտա։

Նշենք, որ դեկտեմբերի 6-ին ԱԺ–կառավարություն հարցուպատասխանի ժամանակ, պատասխանելով «Հայաստան» խմբակցության պատգամավոր Լևոն Քոչարյանի` ժողովրդավարության մասին հարցին, Նիկոլ Փաշինյանն ասել էր. «Այսօրվա իշխանության օրոք քաղաքական գործիչները «պոդյեզդներում» չեն սպանվում, ժողովրդի վրա չեն կրակում, ընտրությունները չեն կեղծվում, սրա–նրա հետ բիզնեսում փայ չեն մտնում, Եռաբլուրում էլ հողամասեր չեն սեփականաշնորհվում»։

Մեկ օր անց ընդդիմադիր պատգամավորը ֆեյսբուքյան էջում գրել էր. «Եռաբլուրի հետ մեզ կապելը ստորագույն մանիպուլյացիա է», և պարզաբանել, որ իրենց ընտանիքին պատկանող «Տոյոտա» ընկերությունը շատ հեռու է գերեզմաններից։