ԱԺ ՀՀԿ խմբակցության պատգամավոր Արտակ Դավթյանը, խոսելով գալիք տարվա պետբյուջեն 101 մլրդ–ով ավելացնելու հարցի մասին, նշել է, թե դա հասարակ քաղաքացու համար դրական ազդեցություն է ունենալու։

–Հասարակ քաղաքացու համար միանշանակ դրական ազդեցություն է ունենալու այն, քանի որ բյուջեն սոցիալական ուղղվածություն ունի։

Նրա խոսքերով՝ գալիք տարի նախաճգնաժամային ժամանակահատվածին հարիր պատկեր ենք ստանալու։

Պետբյուջեի ավելացումը, ըստ բանախոսի, 70%–ով ապահովվելու է տնտեսական աճով, իսկ մնացած 30%–ը կազմելու է հարկային վարչարարությունը։

«Նոր ժամանակներ» կուսակցության ղեկավար Արամ Կարապետյանն սրա առթիվ նշել է.

–Այն ամենը, ինչ նախատեսվում է, միայն լավագույն ցանկություններ են։

Ապա հավելել է.

–Փորձը ցույց է տալիս, որ հարկերի հավաքման գործընթացը ժողովրդի վիճակի բավականաչափ վատթարացման է բերում։

7or.am