–Այսինքն, դեստրուկտիվ էլեմենտը մե՞նք ենք,–արձագանքելով վարչապետ Տիգրան Սարգսյանի հայտարարությանը՝ ասել է «Նոր ժամանակներ» կուսակցության ղեկավար Արամ Կարապետյանը։

Ըստ բանախոսի՝ վարչապետի խոսքերը շանտաժ են կոալիցիայի մյուս կուսակցությանը։

Բայց երբ ասում են, հետո սկսում բացատրություններ տալ, անընդունելի բացատրություն է տրվում։

–Հայաստանում դեստրուկտիվ մասնիկներ չկան։ Դեստրուկտիվ ուժերին չեն հրավիրում համագործակցելու,–նկատել է Ա. Կարապետյանը։

Բանախոսի համոզմամբ՝ կոտրած տաշտակ ասելով՝ վարչապետն ի նկատի է ունեցել, որ բոլոր նրանք, ովքեր ՀՀԿ–ի հետ լավ չեն լինի, տեղ չեն ստանա ապագա խորհրդարանում։

–Նույն բանն էր ասում նաև Լևոն Տեր–Պետրոսյանը՝ ով մեզ հետ չէ, նա տականք է,–հիշել է ՆԺԿ նախագահը։

ԱԺ ՀՀԿ խմբակցության պատգամավոր Արտակ Դավթյանն էլ կարծում է, որ պետք է փակված համարել այս հարցը։

Ա. Կարապետյանը հակադարձել է, որ եթե նման հայտարարություններով հանդես գար մեկ ուրիշը, ապա այն այսքան արձագանք չէր ստանա.

–Սակայն երբ նման բան ասում է վարչապետը, այդ դեպքում հարց է առաջանում,–ընդգծել է նա։

7or.am