ՀՀ  Պաշտպանության  նախարարին

Բանակի վարկաբեկմանն  ուղղված  պատասխանատվության մասին  Ձեր  վերջին  հայտարարությունը  մտահոգության  տեղիք  է տալիս այն  պատճառով, որ անդրադառնում  եք  միայն  մակերեսային  հարցերին, ստվերում  թողնելով  լրջագույն  խնդիրներ, այդ թվում, սահմանադրական կարգի  խախտումներ:

Այդ  կապակցությամբ, հայաստանցիս  ԶՈՒ  ղեկավարության հանդեպ ունի  լրջագույն  պահանջներ, մասնավորապես՝

-         բանակին  չներքաշել   քաղաքական  գործունեության մեջ /նոյեմբեր  2007թ. կամ փետրվար  2008թ, այդ թվում, Ձեր  հրապարակային  աջակցությունը  ՀՀԿական  ՀՀ  Նախագահի  թեկնածուին/,

-          ապօրինի որոշումներ չընդունել  ընտրություևններին  զինծառայողների  մասնակցության  մասին /ապրիլ-մայիս  2009թ./,

-         բանակին  մասնակից  չդարձնել  ներքաղաքական  գործընթացներին /01.03.2008թ/,

-         վերահսկել  «Զինապարտության մասին»  ՀՀ  օրենքի  30-րդ  հոդվածի  պահանջների  կատարմանն, այդ  թվում, վերջիններիս  փոփոխություններից  հետո: Այդ  անվերահսկելիության հետևանքով  է, որ  բարձրաստիճան  պաշտոնյանների  գերակշող  մեծամասնությունը, այդ  թվում, կառավարությունում  Ձեր  գործընկերները  Վարչապետի  և  փոխվարչապետի  գլխավորությամբ  զինծառայություն  չեն  անցել կամ  որևէ  օրենքով  նախատեսված տեղեկատվություն  չունենք  պետական  պաշտոնյաների  զինծառայություն  չանցնելու  պատճառների  մասին,

-         թույլ  չտալ  կուսակցական  գործունեությունը  բանակում, այդ  թվում,   ՀՀԿ  երիտասարդական ստորաբաժանման  կողմից  / www.hhk.am/,

-         ժամանակին  կանխել  որոշ  սպաների հոռի  բարքերը  և  այլն:

Մի՞թե  այստեղից  չի  սկսվում  զինդաստիարակությունը  կամ, ցավոք,  բանակի  վարկաբեկումը:

Այնպես, որ  կառուցողական  կլինի  խոստացած «առավել խիստ մոտեցումը»  սկսել  այս  «բարձրաստիճան» ապօրինություններից և  հավատացեք, որ  դա  անմիջապես  դրական  անդրադարձ  կունենա  բանակային  իրավիճակի  վրա...

...դա  նաև  արդար  կլինի:

Հարգանքով՝

ՀՊԱԿ  նախագահ Ռ. Թորոսյան