Անչափահաս ամբաստանյալների գործերով դատավարությունների մշտադիտարկման զեկույցի արդյունքները կներկայացվեն և կքննարկվեն վաղը` նոյեմբերի 1-ին:

Զեկույցը պատրաստվել է  «Քաղաքացիական հասարակության ինստիտուտ» ՀԿ-ի փորձագիտական թիմի կողմից`  ԵԱՀԿ երևանյան գրասենյակի աջակցությամբ: Այն ուսումնասիրում է Հայաստանի օրենսդրությունն ու պրակտիկան`  արդար դատաքննության և անչափահասների արդարադատության չափորոշիչների լույսի ներքո` երեխաների իրավունքների պաշտպանության բնագավառում բացերը բացահայտելու և առաջարկություններ տրամադրելու համար:

Միջոցառմանը կմասնակցեն դատական ​​իշխանության, ոստիկանության և քաղաքացիական հասարակության ներկայացուցիչներ, փաստաբաններ:

ԵԱՀԿ երևանյան գրասենյակի մարդու իրավունքների գծով պատասխանատու Վլադիմիր Չունտուլովը, Քաղաքացիական հասարակության ինստիտուտի նախագահ Արման Դանիելյանը,  Հայաստանի վճռաբեկ դատարանի քրեական պալատի նախագահ Դավիթ Ավետիսյանը միջոցառման ժամանակ հանդես կգան բացման ելույթներով: