ՀՀ  Նախագահի  նստավայր

Պրոֆեսոր Ս. Սարգսյանին

վերջերս,  տարօրինակ  հայտարարություններ  են հնչում Ձեր  գլխավորած  կուսակցության  ակտիվիստների  կողմից, այն  է՝ ՀՀ  օրենսդրության  պահանջներին  հակասող  ՀՀԿ միջոցառումները   ներկայացնում  են, որպես  «նոր  մշակույթ ՀՀԿ  կյանքում» /Հ.Գ./, մասնավորապես՝ պաշտոնական դիրքի օգտագործումը հօգուտ կուսակցական շահերի  կամ օրենքից  դուրս  կուսակցություններին  ՀՀԿ  շուրջ  համախմբելը:

Այն  օրն  էլ, Ձեր  տաղանդավոր իրավաբաններից մեկը  հայտարարեց, որ   ՀՀԿ-ն  իրոք  բարեգործություն  է իրականացնում, սակայն իր հաշվին, այլ  ոչ  թե՝  պետության:

Իսկ  ամենազավեշտալին, թերևս,   Ձեր  դեպքն  է՝ սահմանադրական կարգի  խախտմամբ  ԵՊՀ  խորհրդում այլ պաշտոն  եք  զբաղեցնում, այն էլ, որպես   Վարչապետի  ներկայացուցիչ  և այսպես  շարունակ:

Սակայն,  հասկանում  եք, որ  Ձեր  իմիջն այլևս  լուրջ  փոփոխության  է  ենթարկվել՝ Դուք  արդեն  ծանրակշիռ  պրոֆեսոր  եք բավականին հեղինակավոր  համալսարանի: Իսկ  եթե  այնտեղ  էլ  տեղեկանան  այդ  «նոր  մշակույթների  մասին», որոնք արժե շուտափույթ  կանխել, թե  չէ...

...շատ  անհարմար բան կստացվի:

Հարգանքով՝

Հայաստանի Պառլամենտարիզմի Կենտրոն  /ՀՊԱԿ/ նախագահ Ռ.Թորոսյան

Հ.Գ. - ՀՀ վարչապետ. «Մենք ՀՀԿ–ի կյանքում նոր մշակույթ ենք ձևավորում»

Այսօր խորհրդարանում ճեպազրույցի ժամանակ ՀՀ վարչապետ Տիգրան Սարգսյանն  անդրադարձել է այցելությունների ժամանակ իր կողմից ՀՀԿ–ի տոմսեր բաժանելու և ասել, որ դա կուսակցական շինարարության նորմալ գործ է և գործադիր մարմնի անդամները, երբ որ իրենք են այդ տոմսերը բաժանում, նշանակում է, որ ավելի լուրջ վերաբերմունք ունեն իրենց նոր անդամակցության գործընթացին։

–Մենք ՀՀԿ–ի կյանքում նոր մշակույթ ենք ձևավորում,–ասել է Տ. Սարգսյանը՝ նշելով, որ կուսակցության դիրքերի ամրապնդումը շարունակելու են...

Հոկտեմբեր 26, 2011   -   7or.am