Այսօր՝ մինչ խորհրդարանի աշխատանքներն սկսելը, պատգամավորները ծաղիկներ են դրել 1999թ. հոկտեմբերի 27-ի ահաբեկչության զոհերի հիշատակին։ Խորհրդարանն իր աշխատանքն սկսել է հոկտեմբերի 27-ի զոհերի հիշատակը մեկ րոպե լռությամբ հարգելով:

ՀՀ ԱԺ նախագահ Հովիկ Աբրահամյանն ասել է, որ այսօր ոգեկոչում են այդ ոճրագործությանը զոհ գնացած, մեր երկրի պետականության, անկախության կայացման գործում խոշոր ներդրում ունեցած պետական, քաղաքական գործիչներ, ազգային հերոսներ Կարեն Դեմիրճյանի, Վազգեն Սարգսյանի և մյուս նվիրյալների հիշատակը:

ՀՀԿ խմբակցության ղեկավար Գալուստ Սահակյանն էլ հույս է հայտնել, որ կգա մի օր, երբ կիմանանք այդ ոճրագործության ուղղորդողներին, թե աշխարհի որ ծայրից էր այդ ողբերգությունը կազմակերպվել։

–Իհարկե, հանցագործներն այստեղ են, բայց ուղղորդողներին հարկավոր է գտնել դրսում,–«7օր»–ի հարցին ի պատասխան՝ ասել է Գ. Սահակյանը,–սովորաբար նման հանցագործությունները հնարավոր է լինում բացահայտել ավելի ամուր հիմքեր ունեցող պետություններում, իսկ մենք նորանկախ պետություն ենք։

7or.am