Ազատ առևտրի ստեղծման համաձայնագիրը կխոչընդոտի՞ եվրաինտեգրման գործընթացը

● Տնտեսական

26.10.2011 ● 17:37

Ազատ առևտրի ստեղծման համաձայնագիրը կխոչընդոտի՞ եվրաինտեգրման գործընթացը

Այսօր ԱԺ–ում կառավարության հետ հարցուպատասխանի ժամանակ ՀՅԴ խմբակցության պատգամավոր Արա Նռանյանը հարց է բարձրացրել ԱՊՀ անդամ–պետությունների ստորագրած ազատ առևտրի մասին համաձայնագրի վերաբերյալ, որին միացել է նաև Հայաստանը։ Նա խնդրել է պարզաբանել փաստաթղթի բովանդակությունը՝ ի՞նչ օգուտներ է Հայաստանը քաղելու այդ համաձայնագրից, և արդյոք այն չի՞ խոչընդոտի Եվրամիության հետ ասոցիացման համաձայնագրի ստորագրմանը։ Վարչապետ Տիգրան Սարգսյանն ի պատասխան նշել է, որ այդ համաձայնագիրը չի հակասում Առևտրի համաշխարհային կազմակերպության հետ ունեցած պայմանավորվածություններին, քանի որ հիմք են ընդունված ԱՀԿ կանոնները, ինչպես նաև Արժույթի միջազգային հիմնադրամի կանոնակարգը։ Ըստ վարչապետի՝ դա հնարավորություն է ստեղծում մեր տնտեսվարող սուբյեկտներին առևտուր իրականացնել առանց մաքսատուրքերի վճարման։ Ինչ վերաբերում է հարցին՝ արդյոք ազատ առևտրի գոտու ստեղծումը չի՞ խոչընդոտի եվրաինտեգրման գործընթացը, վարչապետն ասել է՝ ընդհակառակը, համաձայնագրում ներդնելով եվրոպական ստանդարտներ՝ այն պարունակում է ժամանակակից մեթոդների կիրառում, ինչը բնորոշ է Եվրամիությանը։ Տ. Սարգսյանը նաև հավելել է, որ իրենք տեղյակ են պահել եվրոպական գործընկերներին այս գործընթացի մասին և ոչ մի առարկություն չեն ստացել։ 7or.am

● Այս խորագրի վերջին նյութերը

Միջոցառումների տոմսերի գնման առավել պարզ ու հարմար լուծում․ Ամերիաբանկը ներկայացնում է EventHub.am-ը

11.12.2024 ● 15:51

Գործունեության շուրջ 1 տարվա ընթացքում EventHub-ը հաջողությամբ համագործակցել է միջոցառումների 100-ից ավելի կազմակերպչի հետ` վաճառելով 500-ից ավելի միջոցառման տոմսեր:

Օնլայն տաքսիների վարորդները բողոքի ակցիա են անում․ «Մայր Հայաստանի» անդամները տեղում են (տեսանյութ)

11.12.2024 ● 13:45

Բողոքի ակցիայի վայր են ժամանել Երևանի ավագանու «Մայր Հայաստան» խմբակցության անդամները։

ԿԲ գնահատմամբ՝ Երևանում տրանսպորտի գների փոփոխությունը գնաճի վրա կարող է մինչև 0.5 տոկոս ազդեցություն ունենալ

10.12.2024 ● 17:49

«Մենք ակնկալում ենք, որ մաքսիմալ ազդեցությունը, որ կարող է մյուս տարվա ընթացքում տեսնենք տրանսպորտի գների փոփոխության հետևանքով, մինչ 0.5 տոկոսն է»։

Երեխաների առողջություն, կրթություն, գիտություն․ «Իմ Ամերիա, իմ Հայաստան» նախագծի քվեարկության միջանկյալ արդյունքները (տեսանյութ)

10.12.2024 ● 15:06

Քվեարկության միջանկյալ արդյունքներով առաջատար երեք ոլորտներն են երեխաների առողջությունը, կրթությունը, գիտությունը` քվեների, համապատասխանաբար, 54,4, 19,8 և 6,3 տոկոսներով: