Եվրո-2024-ի ընտրական մրցաշարի 7-րդ տուրի խաղում Հայաստանի ազգային հավաքականը Ռիգայի «Սկոնտո» ստադիոնում հյուրընկալվեց Լատվիայի հավաքականին։

Ուկրաինացի Ալեքսանդր Պետրակովի գլխավորած թիմը պարտություն կրեց 0:2 հաշվով։

53-րդ րոպեին երկրորդ դեղին քարտը ստացավ եւ հեռացվեց Լատվիայի հավաքականի եւ Ռիգայի ՌՖՍ-ի պաշտպան Մարցիս Օշսը։

68-րդ րոպեին անկյունայինի խաղարկումից հետո Երեւանի «Ալաշկերտի» խաղացող Օգնյեն Չանչարեւիչի պաշտպանած դարպասը գրավեց լատվիական «Վալմիերայի» պաշտպան պաշտպան Դանիել Բալոդիսը (տեսանյութ)։

Հայաստանի հավաքականում նորամուտը նշեց ռուսական «Պարի Նիժնի Նովգորոդի» 22-ամյա կիսապաշտպան Էդգար Սեւիկյանը, որը 70-րդ րոպեին փոխարինեց Բրատիսլավայի «Սլովանի» հարձակվող Տիգրան Բարսեղյանին։

D խմբում Հայաստանի հավաքականը 6 խաղից հետո 7 միավորով երրորդն է, Լատվիայի թիմը 5 պարտությունից հետո առաջին հաղթանակը տարավ եւ 3 միավորով վերջինն է։

Եվրո-2024, խմբային փուլ, 7-րդ տուր

D խումբ

Լատվիա - Հայաստան՝ 2:0

Յանիս Իկաունիեկս, 68, Դանիել Բալոդիս, 68

Խորվաթիա - Թուրքիա՝ 22:45 (Երեւանի ժամանակ)

Մրցաշարային դրություն․ Խորվաթիա (4 խաղ)՝ 10 միավոր, Թուրքիա (5 խաղ)՝ 10, Հայաստան (6 խաղ)՝ 7, Ուելս (5 խաղ)՝ 7, Լատվիա (6 խաղ)՝ 3:

Աղբյուրը՝ NEWS.am SPORT