«Պետական գույքի մասնավորեցման մասին» օրենքում փոփոխություններ կատարելու մասին օրինագծի քննարկման ժամանակ ԱԺ «Ժառանգություն» խմբակցության ղեկավար Ստյոպա Սաֆարյանը հայտարարել է, որ իր համար անհասկանալի է՝ ինչո՞ւ են պետական կարևորագույն նշանակության գույքը մասնավորեցնում, ու ինչո՞ւ է ՕԵԿ ներկայացուցիչ Հովհաննես Մարգարյանը պաշտպանում այդ նախագիծը՝ հաշվի չառնելով Ֆիզիկայի ինստիտուտի ճակատագիրը, որն այսօր վերածվել է հիմնադրամի։

Հովհաննես Մարգարյանն էլ, ի պատասխան, ասել է.

–Չհասկանալու ի՞նչ կա։ Իսկ եթե չեք հասկանում, ապա ասեմ, որ մեզ մոտ Գյումրիում այդպիսի հատուկ օժանդակ մասնագիտացված դպրոց է գործում՝ թիվ 4 դպրոցը, և եթե շատ ցանկանաք, ապա ես կարող եմ միջնորդել դպրոցի ղեկավարությանը, որ Ձեզ ընդունեն այդ դպրոց։

ԱԺ նախագահ Հովիկ Աբրահամյանն էլ հորդորել է Հովհաննես Մարգարյանին անձնական վիրավորանքներ չհնչեցնել։

7or.am