Հասկանալի  պատճառներով, արդեն  աշխուժացել  են իշխանասեր  մանր-մունր «կուսակցությունները», որոնց  փորձում  են տեղավորել  ընտրական գործընթացներում:

Այդպիսի  «կուսակցությունների»  թիվն  անցնում  է  60-ից, որոնց  գործունեությունը  վաղուց  պետք  է  դադարեցված  լիներ  համաձայն  «Կուսակցությունների  մասին»          ՀՀ  օրենքի  5-րդ  հոդվածի  պահանջների:

Իսկ  ինչու՞  դա  չի  նախաձեռնում Պետական լիազոր մարմին՝ ՀՀ  Արդարադատության նախարարությունը՝ մեր  հարցին, վերջինս պատճառաբանում  է, որ  համապատասխան  իրավասություն  չունի: Իսկ  «Կուսակցությունների  մասին»  ՀՀ  օրենքի  31-րդ  հոդվածը  ճիշտ  հակառակն  է  ավետում:

Այս պայմաններում, ցանկացած մարդ  կամ  մի քանի  մարդիկ, կարող  են իրենց կուսակցություն  անվանել, գրանցվել  և  համախմբվել  ՀՀԿ-ի  շուրջը՝  համայն  մարդկությանը  ցուցադրելով  Ս.Սարգսյանի  հզոր  պոտենցյալը: Միաժամանակ, կզբաղվեն  քարոզչությամբ  և  հակաքարոզչությամբ, ինչպես  նաև, ավանդույթի  համաձայն, ՀՀԿ-ին   կբերեն  12-15 տոկոս  ձայներ:

Սույն  ապօրինության վերացման  ակնկալիքով այսօր նորից  դիմել  ենք  ՀՀ  արդարադատության  նախարարություն:

Հայաստանի Պառլամենտարիզմի Կենտրոն /ՀՊԱԿ  /