Երևանի «Նոյ» կոնյակի–գինու գործարանի տարածքում տղամարդու դի է հայտնաբերվել։ Տեղեկությունը հայտնում է shamshyan.com–ը։

Ըստ հաղորդագրության` օգոստոսի 8-ին`ժամը 11։25-ի սահմաններում, ոստիկանությունը շտապօգնությունից հաղորդում է ստացել այն մասին, բժիշկների խումբը կանչով մեկնել է Արգիշտի փողոցում գործող գործարան և տղամարդու դի հայտնաբերել այնտեղ։

Ոստիկաններն ու քննիչները գործարանի տարածքում հայտնաբերել են Երևանի բնակիչ 66-ամյա Սպարտակ Ս․-ի դին։

Դատաբժշկի նախնական եզրակացության համաձայն՝ արտաքին զննությամբ դիակի վրա բռնության հետքեր չեն հայտնաբերվել։

Դեպքի փաստով քննչական բաժնում սպանություն հատկանիշներով նախաձեռնվել է քրեական վարույթ։

Քննիչի որոշմամբ նշանակվել է դիակի դատաբժշկական փորձաքննություն։