Ուսադիր կրելն ու հայրենիքին ծառայելը

իսկական տղամարդու գործ է:

Ս.Սարգսյան -27.01.11թ.

Երեկ, ՀՀ  բազմամյա  օգնական  և, վերջապես, ՀՀ  Նախագահի  աշխատակազմի  ղեկավարի  տեղակալը, որը  զինվորական ծառայություն  չի  անցել /http://www.president.am/administration/structure/arm/,  նշանակվեց       այդ  ղեկավարի  պաշտոնում: Այլևս, չզարմանալով  զինծառայություն  չանցածների  հանդեպ  Ս.Սարգսյանի  ունեցած  համակրանքի  վրա, այնուամենայնիվ  մտահոգված  ենք, որ  ՀՀ բարձրաստիճան  պաշտոնյաների, գրեթե, ողջ  կազմն  այդպիսիններից  է  կազմված, մասնավորապես՝

Տիգրան  Սարգսյան – վարչապետ, Գագիկ  Հարությունյան – ՍԴ  նախագահ, Կարեն  Կարապետյան - Երևանի  քաղաքապետ, Կարեն  Անդրեասյան – ՄԻ  պաշտպան, Արման Մկրտումյան – Վճռաբեկ  դատարանի  նախագահ, Աղվան Հովսեփյան – գլխավոր  դատախազ, Վիգեն  Սարգսյան – ՀՀ  Նախագահի  աշխատակազմի  ղեկավար, Սամվել  Նիկոյան – ԱԺ  փոխնախագահ, Արմեն  Գևորգյան – փոխվարչապետ, Հարություն Քուշկյան – նախարար, Հրայր Թովմասյան – նախարար, Արմեն  Մովսիսյան – նախարար, Արմեն  Աշոտյան – նախարար, Մանուկ Վարդանյան և  ևս  6  նախարարներ, Երվանդ  Զախարյան – ԱԳԿՊ Կոմիտեի  նախագահ, Արտյոմ  Մովսեսյան – ՔԱԳՎարչության  պետ...այն  է՝  Կառավարության անդամների  77%-ը, ԱԺ  ղեկավար  կազմի`  67%-ը, ՀՀԿ  ԱԺ  խմբակցության  կեսից  ավելին իր  ղեկավարով, դատարանների  նախագահների  խորհրդի    82%-ը, Գլխավոր  դատախազության  և  արդարադատության նախարարության, գրեթե,  ողջ  ղեկավարությունը, նախարարների  և  Կառավարությանն  առընթեր  ոչ  ուժային մարմինների  ղեկավարների տեղակալների  գերակշռող  մեծամասնությունը, մասնավորապես, հարկային  ծառայության  ողջ  ղեկավարությունը  և  այլն:

Չանդրադառնալով  այդ  մարդկանց  մասնագիտական  պատրաստվածությանը, այնուամենայնիվ  հարց  է  ծագում, ինչի  համար  է  նրանց  պարտադիր  խցկումը  պետական  բարձրաստիճան  պաշտոններում: Մի՞թե, մեր  հասարակական  կյանքի  մյուս բնագավառներում  հարկավոր  չեն  թարգմանիչներ, տարաբնույթ բանասերներ և բիզնեսմեններ,  գարեջրագործներ կամ գինեգործներ, սպորտսմեններ, պրոպագանդիստներ  կամ մի՞թե  մեր  բանակին  չեն  վստահում:

Ըստ  մեր  ուսումնասիրությունների, քիչ թե  շատ  զարգացած  որևէ  երկրի  պետական կառավարման  համակարգում  նման  վերաբերմունք  չկա  զինվորական  ծառայության հանդեպ: Ավելին, Հայաստանում  երբևէ  այս  ծավալի  նմանատիպ  դրսևորումներ  չեն  արձանագրվել:     Իսկ  գուցե  պատահական  չէր, որ  կառավարության  պաշտոնական կայքում  պաշտպանության  նախարար  Ս.Սարգսյանի   կենսագրությունում  մինչև  մեր  հիշեցումը  բացակայում  էր  նշում  նրա  զինվորական  ծառայության մասին: Կամ այսօրվա  ԱԽՔ-ը, որը  նորից, միայն  մեր դիտարկումներից  հետո, այն  էլ  ԱԺ  նախագահի  պաշտոնում,  հիշեց, որ զինվորական  ծառայություն  է անցել՝ կիսատ-պռատ:

Ինչևէ, “Զինապարտության  մասին” օրենքի  30-րդ  հոդվածը  ՀՀ  քաղաքացիներիս  իրավունք  է տալիս  տեղեկանալու  վերջիններիս  զինվորական ծառայություն  չանցնելու  պատճառների  մասին, ինչը  երբևէ  չի  իրականցվում: Իսկ  այդ իմաստով, ՀՀ  Նախագահի  աշխատակազմի  նորանշանակ  ղեկավարի  կենսագրությունում   հարցերը բազմաթիվ  են:

Այդ կապակցությամբ, սույն  հաղորդագրությունն  ուղարկում  ենք  նաև, դեռևս,  կենսագրականների փակ տեղեկատվությամբ  Նախագահական՝   համապատասխան  տեղեկատվություն ստանալու  ակնկալիքով...նորանշանակի «ոչ իսկական» լինելու  պատճառների մասին:

Հայաստանի  Պառլամենտարիզմի  Կենտրոն /ՀՊԱԿ/  լրատվություն