Կառավարության  համացանցային  կայքը, շարունակելով  զբաղվել  ՀՀԿ-ական   քարոզչությամբ, օր  առաջ  տեղեկացրեց  /Հ.Գ./,  որ Վարչապետի պաշտոն  զբաղեցնող ՀՀԿ-ականը  շարունակում  է  իր ծառայողական /պաշտոնեական/ դիրքն օգտագործել հօգուտ կուսակցական շահերի /«Կուսակցությունների մասին»  ՀՀ  օրենքի        10-րդ  հոդված/...այս  անգամ,  Տավուշի մարզում:

Այդ  կապակցությամբ, այսօր դիմել  ենք  ՀՀ  արդարադատության  նախարարություն և  Հատուկ քննչական  ծառայություն:     

Հայաստանի Պառլամենտարիզմի Կենտրոն /ՀՊԱԿ/

լրատվություն

Հ.Գ. -  http://www.gov.am/am/news/item/9135/

Պաշտոնական լրահոս

Արխիվ

Շաբաթ, 15 Հոկտեմբեր 2011

Վարչապետը ծանոթացել է Տավուշի մարզում իրականացված ծրագրերին ,...Տիգրան Սարգսյանն, ով նաև Հայաստանի Հանրապետական կուսակցության գործադիր մարմնի անդամ է, այցելել է նաև Բերդի մշակույթի տուն՝ հանդիպել ՀՀԿ ներկայացուցիչներին, որից հետո շուրջ 100 տավուշցիների անձամբ է հանձնել կուսակցական անդամատոմսեր:

Վարչապետը, ողջունելով կուսակցության նոր անդամներին` հավաստիացրել է, որ իր համար մեծ պատիվ է վերջիններիս հանձնել կուսակցական անդամատոմսեր, որովհետև նրանք կատարել են պատասխանատու քաղաքական որոշում` այնպիսի պատասխանատու ժամանակաջրանում, երբ Հանրապետական կուսակցությունն է ստանձնել պարտավորություն` լուծելու մեր երկրի առջև ծառացած խնդիրները: ,Մեր նպատակն է համախմբված կերպով իրականացնել բարեփոխումներ՝ մեր ժողովրդի կենսամակարդակի և ազգային խնդիրների լուծման համար: Մենք ունենք հստակ ծրագրեր, որոնք միտված են դեպի ապագան: Հանրապետական կուսակցությունը փորձելու է իրականացնել այնպիսի ծրագրեր, որոնք մեզ համար բացելու են զարգացման նոր հնարավորություններե,- ասել է Տիգրան Սարգսյանը՝ հավաստիացնելով, որ ՀՀԿ-ն վճռական է այս հարցում: