Արցախի Հանրապետության նախահահ Բակո Սահակյանին

«Թեկուզ» Գեղարվեստական ֆիլմի ստեղծագործական խմբի անունից

Մեծարգո Նախագահ, գրում եմ ձեզ իմ ու «Թեկուզ» գեղարվեստական ֆիլմի ստեղծագործական խմբի անունից: Ուզում եմ հուսալ, որ Դուք արդեն տեղյակ եք այն մասին, որ մենք` ծնունդով ու հոգով մի խումբ Արցախցիներ, ձեռնամուխ ենք եղել Ղարաբաղի վերջին 20 տարիների մասին պատմող գեղարվեստական ֆիլմի նկարահանմանը: Ես Ղարաբաղի գոյապայքարի մասնակից եմ, իսկ վերջին 10 տարիներին աշխատել եմ Մոսկվայում` կինոարտադրությունում: Սցենարի հեղինակը եւս Ղարաբաղցի է` լրագրող, գրող-սցենարիստ Արփի Վանյանը: Դեռ չնկարված, ֆիլմն արդեն մեծ արձագանք է ստացել ինչպես աշխարհում, այնպես էլ մեր հակառակորդների շրջանում: Եվ դա պատահականություն չի, քանի որ ֆիլմը հիմնված է իրական փաստերի հիման վրա, պատմում է իրական մարդկանց ճակատագրերի մասին, պատմում է իրականությունը եւ նպատակ է հետապնդում աշխարհին ներկայացնելու ճշմարտությունը Ղարաբաղի մասին: Այս ֆիլմը յուրովի խթան կհանդիսանա, արվեստի միջոցով ճանաչել տալու Ղարաբաղը: Մեծարգո Նախագահ, գիտենք, որ մեզ հետ համամիտ կլինեք, եթե ասենք, որ այսպիսի մեծ հաղթանակ տարած երկիրը պարտություն է կրում տեղեկատվական պայքարում: Նշենք միայն այն հանգամանքը, որ վերջին տարիներին Ադրբեջանը մի քանի տասնյակ հակահայկական ֆիլմեր է նկարահանել ու այն տարծել աշխարհում: Իսկ մենք` հայերս, առ այսօր դեռ Արցախի գոյապայքարի մասին լայնածավալ ֆիլմ չունենք: Ֆիլմը նկարելու համար աշխատանքների մեծ մասն արված են`ժամանակակից կինոտեխնիկա, մասնագետներ, հայտնի ու սիրված դերասաններ ողջ աշխարհից: Սակայն այս աշխատանքներն ավարտին հասցնելու ու աշխարհին ասելիք ունեցող , որակով ու ժամանակակից պահանջներին համապատասխանող ֆիլմ ներկայացնելու համար, մեզ անհրաժեշտ է Ձեր աջակցությունը: Խնդրում ենք Ձեզ աջակցեք, որպեսզի միասին, ազգովի նկարենք ֆիլմ, որը կծառայի Լեռնային Ղարաբաղի ճանաչմանը… Հարգանքով` պրոդուսեր Գագիկ Աթասյան, «Թեկուզ» ֆիլմի ստեղծագործական կազմ