«Ընդդեմ կանանց նկատմամբ բռնության» կոալիցիան այսօր, ժամը 17:30-ին լինելու է Մասիս քաղաքի Ընդհանուր իրավասության դատարանում, որտեղ տեղի կունենա 20-ամյա Զ. Պետրոսյանի քրեական գործով իրավական ակտի (դատավճռի)  հրապարակումը: Մեկ տարի շարունակ ձգձգվող դատավճիռն այսօր վերջնականապես կգտնի իր լուծումը:

Կոչ ենք անում հասարակությանը միանալ մեզ և ականատես լինել Զ. Պետրոսյանի սպանության մեջ մեղադրվող Յ. Սարկիսովի գործով  դատավճռի կայացմանը:

Հիշեցնենք, որ Զարուհու մահից  հետո  7 հասարակական կազմակերպություններ («Կանանց իրավունքների կենտրոնը», «Հասարակություն առանց բռնության»-ը, «Կանանց ռեսուրսային կենտրոնը», Թուֆենկյան հիմնադրամի «Կանանց աջակցության կենտրոնը», «PINK Armenia»-ն, «Զանգակատունը» և «Սեռական բռնության ճգնաժամային կենտրոնը») կողմից ստեղծվել է կոալիցիա, որի նպատակը այս դեպքին հասարակական հնչեղություն տալն է եւ քրեական արդար գործի ընթացքին հետամուտ լինելը:

Մեզ միանալու համար կապ հաստատեք Գայանե Հարությունյանի հետ  093 23 28 37 հեռախոսահամարով: