Ինչպես արդեն տեղեկացրել էինք, ՀԺԿ անդամ, ՀԱԿ ներկայացուցիչ Ֆելիքս Խաչատրյանն ասել էր, թե արտահերթ խորհրդարանական ընտրությունն այժմեական հարց չէ իրենց համար, քանի որ հերթական ընտրություններն են մոտենում։

«7օր»-ի հետ զրույցում «Գերագույն խորհուրդ» պատգամավորական ակումբի նախագահ, ՀԱԿ անդամ Ռուբեն Թորոսյանը պատասխանելով հարցին՝ ինչպես է գնահատում այս հայտարարությունը, ասել է՝ շատ դրական։

–Ես միշտ էլ դրական եմ գնահատել՝ ավելի լավ է պատրաստվել քիչ մնացած ժամանակում հերթականին, քան արտահերթ ընտրություններին, որովհետև արտահերթ ընտրություններին ես ընդհանրապես դեմ եմ եղել. «արտահերթ» բառը լեգիտիմացնում է այդ ապօրինի իշխանություններին։ Այլ բան է, երբ մենք դրա անունը դնեինք նոր  ընտրություններ,–ասել է նա։

Հարցին՝ այնուամենայնիվ, 2008–ից ՀԱԿ–ը խոսում է արտահերթ ընտրությունների անխուսափելիության մասին, և այսօր, պատրաստվելով հերթականին, ստացվում է, որ այսքան ժամանակ խաբե՞լ է իր համակիրներին, Ռուբեն Թորոսյանը պատասխանել է.

–Բայց Կոնգրեսն ինչո՞ւ խաբեց։ Նա իր ցանկությունն էր  հայտնում, իր համար կարևորությունը, ուղղակի չստացվեց, բայց ո՞նց կարելի է ասել խաբել։ Խաբել նշանակում է՝ այդպես չէր մտածում, բայց այդպես չէ։

7or.am