Հոկտեմբերի 12–ից սկսած`  9 օր շարունակ, մարդահամար է անցկացվելու։ Այն կավարտվի հոկտեմբերի 21–ին։

Մարդահամարը հատուկ կազմակերպված վիճակագրական միջոցառում է՝  ծրագիր, որն անց է կացվում 10 տարին մեկ՝ ըստ ՄԱԿ-ի հռչակած մարդահամարների համաշխարհային փուլերի ու մեթոդաբանության, և հնարավորություն է տալիս ուսումնասիրել բնակչության թվաքանակի փոփոխությունն ու հասարակության բնութագրերը: Մարդահամարի հաշվառումն անցկացվում է հատուկ պատրաստված աշխատողների՝ հաշվարարների կողմից բնակչությանը հարցման միջոցով։ ՀՀ 2011թ. մարդահամարի տվյալների հավաքագրման համար նշանակվել են   մարդահամարի տեղամասերի 364 վարիչներ և օգնականներ, 2425 հրահանգիչ-հսկիչներ և 12 124 հաշվարարներ։

Մարդահամարի նպատակով մարզերում և Երևանում տրամադրվել են ժամանակավոր աշխատասենյակներ։

2011թ. մարդահամարը ֆինանսական տեսանկյունից 2,5 մլրդ դրամ կարժենա: