Հնագետները հայտնաբերել են տասնյակ մարդկանց մնացորդներ, որոնք թաղվել են մոտ 7000 տարի առաջ Օմանում՝ Արաբական թերակղզու քարե դամբարանում։

Դամբարանը, որը գտնվում է Ն'ա Ֆունայի մոտ՝ կենտրոնական Ալ Վուստա նահանգում, Օմանում երբևէ հայտնաբերված ամենահին տեխնածին կառույցներից է:

«Այս տարածաշրջանում հայտնի չեն բրոնզե դարի կամ ավելի հին նմուշներ»,-Live Science-ին ասել է Պրահայի Չեխիայի Հնագիտության ինստիտուտի հնագետ Ալզբետա Դանիելիսովան: «Այս մեկը լիովին եզակի է»:

Դանիելիսովան ղեկավարում է դամբարանի պեղումները մի ինստիտուտի համար, որը Չեխիայի գիտությունների ակադեմիայի (CATS) մաս է: Դամբարանը թվագրվում է մ.թ.ա. 5000-4600 թվականներին: