Ի թիվս լրագրողների մի շարք այլ հարցերի, այսօր ԲՀԿ խմբակցության ղեկավար Գագիկ Ծառուկյանը պատասխանել է նաև Հայաստանի և Թուրքիայի արտաքին գործերի նախարարությունների տարածած հայտարարությանը, ինչպես նաև թուրքական մամուլում տեղ գտած հրապարակումներին վերաբերող հարցերին։ Նա «անհեթեթ» է որակել այդ հրապարակումները, ասելով.

-Երկրի նախագահը բազմաթիվ անգամ ասել է, որ սահմանի բացումը լինելու է առանց նախապայմանների: Ոչ մի նախապայման չկա: Սահմանը բացում են, բայց Ցեղասպանության ճանաչմանն այն չի խանգարում: Եթե որևիցե նախապայման լինի, նույն (ՀՅԴ-ի, խմբ.) քայլին կդիմի Բարգավաճ Հայաստան կուսակցությունը,- շեշտել է Գ. Ծառուկյանը:

ԱԺ պատգամավորն ասել է նաև. «Եթե առանց նախապայմանի հնարավոր է, որ ճանապարհը բացվի՝ մենք պետք է համաձայնվենք»:

Ըստ ԲՀԿ խմբակցության ղեկավարի՝ «սա խաղ է, և Թուրքիան առանց նախապայմանի սահմանը չի բացի»։

-Այդ խաղն ի օգուտ Հայաստանի է, քանի որ կօգնի Ցեղասպանության և ԼՂՀ միջազգային ճանաչմանը,- ասել է Գագիկ Ծառուկյանը։